Zenez 48:18 - Labib An Kreol Seselwa

¹⁸ Zozef ti dir li, “Pa konmsa papa. La lene garson, met ou lanmen drwat lo son latet.”

Zenez 48:18 ပူးပေါင်းရင်းမြစ်များ

Zenez 19:18

Lot ti reponn zot, “Non, mon SENYER, sa pa posib.

Zenez 27:15

Apre, Rebeka ti pran pli zoli lenz ki Ezai ti annan dan lakaz e i ti abiy Zakob, son dezyenm garson.

Zenez 29:26

Laban ti dir, “Nou koutim pa permet nou fer marye pli zenn fiy avan lene.

Zenez 43:33

Bann frer Zozef ti asiz devan li, lene dapre son drwa premye garson e apre, bann ki pli zenn dapre laz. Sa bann zonm ti regard kanmarad avek letonnman.

Zenez 48:17

Kan Zozef ti war ki son papa ti'n met son lanmen drwat lo latet Efraim, i pa ti kontan. I ti pran lanmen son papa pour met lo latet Manase.

Zenez 48:19

Me son papa ti refize. I ti dir, “Mon konnen mon garson. Li osi i pou vin en pep e i pou vin gran. Son pti frer pou vin pli gran ki li e son desandans pou vin en gran nasyon.”

Zenez 49:3

Riben, ou mon lene garson, mon lafors e premye fri mon viger; ou depas ou bann frer dan dinyite ek lafors.

Egzod 10:11

Sa pa pou arive. Zis zot bann zonm ki pou ale. Ale! Al servi SENYER akoz sanmenm ki zot in demande.” Apre, zot ti ganny pouse dan prezans Faraon.

Matye 25:9

Me bann fiy saz ti reponn: Non, pa pou annan ase pour nou e pour zot. Al plito aste dan laboutik.

Akt de Zapot 10:14

Me Pyer ti reponn, “Non Senyer! Zanmen mon'n manz nanryen ki enpir”.

Akt de Zapot 11:8

Mon ti reponn, “Non Senyer! Zanmen keksoz enpir in deza antre dan mon labous.”