Zenez 48:14 - Labib An Kreol Seselwa

¹⁴ Izrael ti met son lanmen drwat lo latet Efraim menm ki ti pli zenn e son lanmen gos lo latet Manase. I ti bezwen krwaz son lebra. Annefe, Manase ti lene garson.

Zenez 48:14 ပူးပေါင်းရင်းမြစ်များ

Zenez 41:51

Zozef ti apel son premye garson Manase. I ti dir: Bondye in fer mwan oubliy tou mon soufrans ek separasyon avek mon fanmir.

Zenez 41:52

I ti apel son dezyenm garson, Efraim. I ti dir: Bondye in fer mwan ganny zanfan dan pei mon soufrans.

Zenez 46:20

Dan pei Lezip, Zozef ti ganny Manase ek Efraim, ki Asnat, fiy Poti-Fera pret On ti gannyen.

Zenez 48:13

Apre, Zozef ti pran Efraim e met li lo kote gos Izrael, e Manase lo kote drwat, akote kanmarad.

Zenez 48:17

Kan Zozef ti war ki son papa ti'n met son lanmen drwat lo latet Efraim, i pa ti kontan. I ti pran lanmen son papa pour met lo latet Manase.

Zenez 48:18

Zozef ti dir li, “Pa konmsa papa. La lene garson, met ou lanmen drwat lo son latet.”

Psonm 110:1

SENYER ti dir avek mon senyer lerwa: Asiz lo mon kote drwat, ziska ki mon met ou bann lennmi anba ou lipye.

Psonm 118:16

Lanmen drwat SENYER in leve. Lanmen drwat SENYER in fer bann mervey!

Egzod 15:6

Ou lanmen drwat SENYER, i gran par son pwisans. Ou lanmen drwat SENYER, in kraz lennmi.

Nonm 2:18

Lo kote Was, ava vin kan Efraim anba son bannyer, avek son sef tribi: Elisama, garson Amihoud.

Nonm 8:10

Ou ava fer bann levit vin devan SENYER e pep Izrael ava enpoz lanmen lo zot.

Nonm 8:18

Mon'n pran bann levit dan plas tou bann lene parmi pep Izrael.

Matye 16:18

Mwan, mon deklare ki ou Pyer, e lo sa ros mon pou konstri mon Legliz, e pwisans lanmor pa pou ranport laviktwar kont li.

Matye 19:13

Dimoun ti anmenn bann pti zanfan kot Zezi pour li poz lanmen lo zot e priy pour zot. Me bann disip ti reprimann sa bann dimoun.

Matye 19:15

Zezi ti poz lanmen lo zot. Apre, i ti kit sa landrwa.

Matye 6:5

Kan zot priye, pa fer parey bann ipokrit. Zot kontan debout pour priye dan sinagog e dan tou kwen semen pour ki tou dimoun i war zot. Les mwan dir zot: Sa bann dimoun in deza ganny zot rekonpans.

Levanzil dapre Lik 13:13

Zezi ti poz lanmen lo li e deswit sa fanm ti dres debout e konmans loue Bondye.

Levanzil dapre Lik 4:40

Apre soley kouse, tou dimoun ki ti annan fanmir malad avek toudsort maladi, ti anmenn zot kot Zezi. Zezi ti poz son lanmen lo zot, e geri zot.

Akt de Zapot 13:3

Alor, zot ti priye e zennen. Apre, bann zapot ti enpoz lanmen lo zot e les zot ale.

Akt de Zapot 6:6

Zot ti prezant sa bann zonm devan bann zapot ki ti priy avek zot e enpoz lanmen lo zot.

Deterononm 34:9

Zozye, garson Noun, ti ranpli avek lasazes. Annefe, Moiz ti'n poz son lanmen lo li. Bann Izraelit ti obei li e fer tou sa ki SENYER ti'n komande par lentermedyer Moiz.

1 Timote 4:14

Pa negliz sa don spirityel ki dan ou, ki ou'n gannyen par mesaz bann profet, kan bann ansyen ti enpoz lanmen lo ou.

1 Timote 5:22

Pa prese pour enpoz lanmen lo personn, pour konfye li en responsabilite dan Legliz. Pa bezwen partisip dan pese lezot; gard ou lekor pir.