Zenez 47:9 - Labib An Kreol Seselwa

⁹ Zakob ti reponn, “I annan 130 an depi ki mon lo later. Mon bann lannen in kourt e difisil; pa otan ki pour mon bann zanset pandan zot bann long lavi nomad.”

Zenez 47:9 ပူးပေါင်းရင်းမြစ်များ

Zenez 11:11

Apre nesans Arpaksad, Senm ti viv ankor 500 an. I ti ganny ankor lezot garson ek fiy.

Zenez 35:28

Izaak ti viv ziska laz 128 an.

Zenez 47:28

Zakob ti reste Lezip pandan 17 an. An tou, i ti viv 147 an.

Zenez 47:8

Faraon ti demann Zakob, “Ki laz ou annan?”

Zenez 5:27

Matousalenm ti viv an tou 969 an e apre i ti mor.

Zenez 50:26

Zozef ti mor laz 110 an. Zot ti anbonm li e gard son lekor dan en serkey Lezip.

1 Kronik 29:15

Parey nou bann zanset, nou en bann etranze e bann pasaze devan ou. Nou lavi lo later i parey en lonbraz e napa okenn lespwar.

Liv Zob 14:1

Lavi en imen, en zanfan ki en fanm in met omonn, i kourt e ranpli avek traka.

Psonm 119:19

Mon zis en pasaze lo later; pa kasyet mwan ou bann komannman.

Psonm 119:54

Ou bann regleman i size mon bann sanson la kot mon viv.

Psonm 39:12

SENYER! Ekout mon lapriyer. Mon kriy ou. Ekout mwan! Pa reste endiferan devan mon larm. Mon en pasan kot ou; en etranze parey tou mon bann zanset.

Psonm 39:13

Donn mwan en letan repo. Les mwan trankil en moman pour mwan reganny mon sourir avan mon disparet pour touzour.

Psonm 39:5

Letan ki ou'n donn mwan pour viv i en pe plis ki larzer en lanmen. Devan ou, sa i nanryen ditou: Lavi en imen i zis en respirasyon.

Egzod 6:4

Mon ti osi etabli mon lalyans avek zot, pour donn zot pei Kanaan, sa pei kot zot ti viv koman etranze.

Egzod 7:7

Kan zot ti al koz avek Faraon, Moiz ti annan 80 an, e Aaron 83 an.

2 Korentyen 5:6

Alor, nou touzour ranpli avek kouraz. Nou konnen ki tan ki nou pe viv dan sa lekor, nou ankor lwen avek Senyer.

Deterononm 34:7

Moiz ti annan 120 an kan i ti mor. Son lizye ti ankor bon e i ti ankor for e son lafors pa ti'n diminyen.

Ebre 13:14

Annefe, nou demer lo sa later pa pou dire pour touzour; nou pe rod sa lavil ki dan lavenir.

Let Zak 4:14

Pourtan, zot pa ni menm konnen ki mannyer zot lavi pou ete demen. Kisisa zot lavi? Zot parey brouyar ki paret pour en pti moman e ki apre i disparet.

Zozye 24:29

Apre sa bann levennman, Zozye, garson Noun, serviter SENYER ti mor. I ti annan 110 an.

1 Pyer 2:11

Mon bann zanmi! Mon demann zot ki bann etranze e bann vwayazer: Gard zot kont bann dezir natir imen ki fer lager kont zot menm.