Zenez 47:27 - Labib An Kreol Seselwa

²⁷ Bann Izraelit ti reste dan pei Lezip, dan rezyon Gosenn. Zot ti aste propriyete e zot ti ganny bokou zanfan.

Zenez 47:27 ပူးပေါင်းရင်းမြစ်များ

Zenez 13:16

Mon pou fer ou desandans vin sitan nonbre, parey lapousyer later ki personn pa kapab konte.

Zenez 17:6

Mon pou fer ou ganny bokou zanfan; zot pou form bokou nasyon; parmi, i annan ki pou vin lerwa parmi ou desandans.”

Zenez 26:4

Mon pou ogmant ou desandans e fer zot vin parey zetwal dan lesyel. Mon pou donn ou desandans tou sa bann pei, e par ou desandans, tou bann nasyon lo later pou ganny beni.

Zenez 28:14

Ou desandans pou nonbre parey lapousyer later e zot pou agrandi dan Was e dan Les, dan Nor e dan Sid. Atraver ou ek ou bann desandan, tou fanmir lo later pou ganny beni.

Zenez 34:10

Ou kapab reste avek nou, pei i ouver osi pour ou. Reste e fer komers avek nou e ou ava kapab aste propriyete.”

Zenez 35:11

Bondye ti dir li: Mwan menm Bondye Toupwisan. Ou pou ganny bokou zanfan; ou desandans pou ogmante. Ou pou vin papa en nasyon e en group nasyon. Pou osi annan lerwa parmi ou desandans.

Zenez 46:3

Bondye ti dir li, “Mwan menm Bondye, Bondye ou papa. Pa per pour desann Lezip, akoz mon pou fer ou vin en gran nasyon laba.

Zenez 47:11

Zozef ti enstal son papa ek son bann frer Lezip, dan meyer rezyon Ranmses, parey Faraon ti'n ordonnen.

Zenez 8:7

I ti larg en korbo ki ti ale vini, ziska ki delo ti'n sek lo later.

Zenez 8:9

Me sa pizon pa ti war landrwa pour li apoze, akoz ti ankor annan delo partou lo later. Alor, i ti retourn kot Noe dan lars. Noe ti met son lanmen deor e fer li antre.

Nehemi 9:23

Ou ti ogmant zot desandan parey zetwal dan lesyel; ou ti anmenn zot dan sa pei ki ou ti dir zot bann zanset antre pour pran posesyon.

Psonm 105:24

SENYER ti miltipliy son pep e fer li vin pli for ki son bann lennmi.

Psonm 107:38

SENYER i beni zot e zot popilasyon i ogmante; i pa les zot troupo diminyen.

Egzod 1:12

Me pli zot ti ganny kraze, plis popilasyon Izraelit ti ogmante e fannen dan Lezip antye. Bann Ezipsyen ti per bann Izraelit.

Egzod 1:7

Bann Izraelit ti annan bokou zanfan. Zot ti ranpli Lezip e vin deplizanpli tre for.

Zakari 10:8

Mon pou donn zot sinyal pour rasanble zot, akoz mon'n sov zot. Zot popilasyon pou osi nonbre ki zot ti ete avan.

Akt de Zapot 7:17

Kan letan ti pros pour Bondye realiz son promes ki i ti'n fer avek Abrahanm, nou pep ti'n ogmante e vin nonbre dan Lezip.

Deterononm 10:22

Ti annan zis 70 parmi zot bann zanset ki ti desann Lezip. Me ozordi, SENYER, Bondye in fer zot vin osi nonbre ki bann zetwal dan lesyel.

Deterononm 26:5

La sa ki ou ava deklare devan SENYER, ou Bondye: Mon zanset ti en nomad Arameen. I ti desann Lezip kot i ti reste koman en etranze. Ti napa bokou zot. Me la, in vin en gran nasyon, pwisan e nonbre.