Zenez 47:12 - Labib An Kreol Seselwa

¹² Zozef ti donn zot manze dapre lakantite dimoun ki zot ti annan pour nouri.

Zenez 47:12 ပူးပေါင်းရင်းမြစ်များ

Zenez 45:10

Ou ava reste dan rezyon Gosenn. Ou ava reste pre avek mwan, ou, ou bann zanfan ek zanfan ou bann zanfan, ou bann troupo, ou bann zannimo, ek tou sa ki ou posede.

Zenez 45:11

Mon ava donn ou tou sa ki ou bezwen, akoz pou annan ankor senk lannen lafanmin. Vini, pour ki ni ou, ni ou fanmir pa ava dan bezwen, e ki ou pa perdi tou sa ki ou posede.”

Zenez 45:7

Bondye in anvoy mwan isi avan zot pour prepar rezerv manze dan sa pei e pour permet, par sa gran delivrans, ki zot, ek bokou lezot, ava reste vivan.

Zenez 47:1

Zozef ti al kot Faraon. I ti dir li, “Mon papa, ek mon bann frer in arive sorti Kanaan avek zot bann troupo, ek tou sa ki zot posede, e zot in etabli zot dan pei Gosenn.”

Zenez 47:21

Tou lepep ti ganny transfere ver bann lavil atraver pei.

Zenez 47:24

Lo bann rekolt, zot ava donn Faraon en senkyenm parti e leres ava vin pour zot. Zot ava gannyen pour senmen ek dekwa pour manze, pour zot ek zot fanmir.”

Zenez 50:21

Alor, pa bezwen per aprezan. Mon pou nouri zot ek zot bann zanfan.” Konmsa, i ti redonn zot kouraz e tous zot leker.

Egzod 20:12

Ou pou annan respe pour ou papa ek ou manman; konmsa, ou ava viv lontan lo sa later ki SENYER, ou Bondye i donn ou.

Ezai 22:24

Tou bann manm son fanmir, pros oubyen lwen, pou reste atase avek li, parey bann pti vesel, i ganny met krose avek en pike, depi bann tas ziska bann kivet.

1 Tesalonisyen 2:7

O kontrer, nou'n montre labonte parmi zot. Nou ti azir parey en manman ki pran swen son bann zanfan.

1 Timote 4:8

I vre ki legzersis fizik i itil, me i napa en gran valer konpare avek fidelite anver Bondye ki pli itil. Annefe, sa enn ki fidel anver Bondye i posed promes lavi dan letan prezan e dan lavenir.

1 Timote 5:4

Si en vev i annan zanfan oubyen pti zanfan, fodre ki sa bann zanfan i aprann met an pratik zot devwar relizye dabor anver zot prop fanmir. Konmsa, zot ava pe ranpli zot devwar anver zot paran oubyen zot gran paran. Sanmenm sa ki fer plezir Bondye.

1 Timote 5:8

Sa enn ki pa pran swen son parante, sirtou son prop fanmir pros, i'n abandonn lafwa; i pir ki en non-krwayan.

Rit 4:15

I ava redonn ou lavi e nouri ou dan ou vye zour. Ou belfiy ki kontan ou, i annan plis valer pour ou ki set garson.”