Zenez 45:6 - Labib An Kreol Seselwa

⁶ “I annan de lannen depi ki lafanmin pe afekte pei. Pandan ankor senk lannen zot pa pou ni plante, ni rekolte.

Zenez 45:6 ပူးပေါင်းရင်းမြစ်များ

Zenez 37:2

La zistwar fanmir Zakob: Zozef ti annan 17 an, i ti pe vey troupo avek son bann frer. I ti avek bann garson Bila e Zilpa, bann fanm son papa. Zozef ti raport tou sa ki zot fer mal avek zot papa.

Zenez 41:35

Zot ava rasanble tou prodwi, pandan sa bann bon lannen ki pe vini, e anba lotorite Faraon, zot ava met an rezerv sa bann legren dan bann lavil.

Zenez 41:46

Zozef ti annan 30 an kan i ti antre dan servis Faraon, lerwa Lezip. I ti enspekte Lezip antye.

Zenez 41:53

Sa set lannen labondans Lezip ti terminen,

Zenez 41:54

e sa set lannen lafanmin ti arive parey Zozef ti'n dir. Ti annan lafanmin dan tou pei, me dan Lezip, ti annan manze an rezerv.

Zenez 41:56

Lafanmin ti fer ravaz dan pei antye, Zozef ti ouver bann magazen rezerv e i ti vann bann Ezipsyen manze, akoz lafanmin ti vreman sever dan Lezip.

Zenez 47:18

Zot ti vin kot li lannen apre. Zot ti dir li, “Nou pa kapab kasyet ou ki nou larzan in fini e ki tou nou troupo i pour ou. Nou napa nanryen, eksepte nou later ek nou menm.

Zenez 47:23

Zozef ti dir lepep, “La ki mon'n aste zot avek zot later pour Faraon, zot ava ganny legren pour zot senmen e kiltiv later.

Egzod 34:21

Pandan sis zour ou ava travay, me setyenm zour, ou ava repoze. Ou ava fer saba menm pandan letan ki ou labour later e pandan larekolt.

Ezai 30:24

Bann bef ek bann bourik ki kas later ava manz en zerb sale, ki'n ganny tale avek krok ek fours.

Deterononm 21:4

Bann ansyen sa lavil ava anmenn sa zenn bef kot en larivyer ki zanmen sek, kot napa okenn plantasyon, kot nanryen pa'n ganny senmen. I ava kas likou sa zenn bef dan sa larivyer.

1 Samyel 8:12

I pou nonm en bann koman sef 1,000 e sef 50. I pou pran en bann pour kiltiv son plantasyon, e rekolte son bann prodwi; en lot bann pou travay dan fabrikasyon zarm lager ek bann lekipman pour kales.