Zenez 43:31 - Labib An Kreol Seselwa

³¹ Apre, i ti lav son figir e sorti. I ti kontrol son lemosyon. I ti dir, “Servi manze.”

Zenez 43:31 ပူးပေါင်းရင်းမြစ်များ

Zenez 45:1

Zozef ti nepli kapab kontrol son lemosyon devan tou sa ki ti la avek li. I ti dir, “Fer sorti tou dimoun.” Ler Zozef ti tousel avek son bann frer, i ti fer zot konnen ki li Zozef, zot frer.

Proverb 10:19

Kot i annan bokou koze, pese pa manke; sa enn ki konn kontrol son lalang i pridan.

Ezai 42:14

Depi en bon pe letan mon pe reste trankil. Mon pa'n dir nanryen, mon'n gard silans. Me aprezan, parey en fanm dan douler lakousman, mon pou kriye, mon pou plennyen, mon pou soufle akoz mon pa kapab byen respire.

Zeremi 31:16

Me la sa SENYER i deklare: Aret plere, eswiy ou bann larm. Tou sa ki ou'n fer pou ganny rekonpanse. Ou bann zanfan pou sorti dan pei lennmi. Zot pou retourn dan zot pei, SENYER i deklare.

1 Pyer 3:10

Annefe, la sa ki Lekritir i deklare: Sa enn ki oule viv en lavi agreab e war bann zour ere, i devre prezerv son lalang kont lemal e son lalev i devre aret koz manti.