Zenez 43:23 - Labib An Kreol Seselwa

²³ Sa serviter ti reponn, “Reste trankil, pa bezwen per. Se ou Bondye e Bondye ou papa ki'n met en trezor dan zot sak. Mon'n resevwar zot larzan.” Apre, sa serviter ti anmenn Simeon kot zot.

Zenez 43:23 ပူးပေါင်းရင်းမြစ်များ

Zenez 42:24

Zozef ti sorti pour al plere. Apre, i ti retourn kot zot e koz avek zot. I ti swazir Simeon parmi zot e fer anmar li devan zot lizye.

Zenez 42:28

I ti dir son bann frer, “Zot in rann mwan mon larzan; i dan mon sak!” Zot ti per e zot ti tranble e dir ant zot: Ki Bondye in fer avek nou la?

Zenez 42:36

Zot papa, Zakob, ti dir zot, “Akoz zot, mon pou perdi tou mon zanfan! Zozef ek Simeon nepli la, e zot anvi pran Benzamen, dan tousala, mwan ki soufer.”

Zenez 43:14

Mon swete ki Bondye Toupwisan i tous leker sa zonm e ki i ava pran pitye pour zot. I ava les zot lot frer ek Benzamen retournen. Kanta mwan, si fodre perdi ankor mon bann zanfan, i ava konmsi mon ti napa zot.”

Zenez 43:22

Nou'n osi anmenn ankor larzan pour aste manze. Nou pa konnen lekel ki ti met nou larzan dan nou sak.”

1 Kronik 12:18

Alor lespri Bondye ti sezi Amasai, sef group 30. I ti dir: Nou avek ou, David! Nou dan ou kote, garson Zese! Lape i avek ou, e lape i avek tou bann ki sekour ou, akoz ou Bondye ki'n sekour ou. David ti resevwar zot e etabli zot koman bann zofisye son larme.

1 Kronik 12:19

Serten bann zonm sorti dan tribi Manase ti zwenn lo kote David ler, ansanm avek bann Filisten, i ti al fer lager kont Sail. Me i pa ti ed zot akoz bann sef Filisten ti ganny konseye pour fer David ale. Zot ti dir: Nou krwar i pou abandonn nou pour al lo kote son sef Sail.

Esdras 4:17

Lerwa ti anvoy sa larepons: Rehoum, gouverner, Simsai, sekreter, avek tou leres zot bann koleg zabitan Samari ek lezot landrwa dan provens ki lo lot kote larivyer, mon anvoy konpliman.

Levanzil dapre Lik 10:5

Dan nenport lakaz kot zot antre, zot ava dir: Lape pour sa lakaz!

Levanzil dapre Lik 24:36

Letan zot ti pe koze, Zezi li menm ti aparet parmi zot. I ti dir zot, “Lape i avek zot.”

Levanzil dapre Zan 14:27

Mon kit lape avek zot, mon donn zot mon lape. Selman, mon pa donn zot lape parey lemonn i donnen. Pa bezwen enkyet e pa bezwen per sa ki pou arive.

Levanzil dapre Zan 20:19

Tar aswar, sa menm zour ki ti premye zour lasemenn, alor ki bann laport lakaz kot bann disip ti ete ti'n ferm akle, akoz zot ti per bann zwif, Zezi ti aparet e debout parmi zot. I ti dir zot, “Lape i avek zot!”

Levanzil dapre Zan 20:21

Zezi ti dir zot ankor, “Lape i avek zot. Parey Papa in anvoy mwan, mwan osi mon anvoy zot.”

Levanzil dapre Zan 20:26

En semenn plitar, bann disip Zezi ti'n rasanble ankor dan lakaz e Toma ti la avek zot. Bann laport ti'n fermen akle, me Zezi ti antre e debout la parmi zot. I ti dir, “Lape i avek zot.”

Ziz 19:20

Sa vyeyar ti dir li, “Pa trakase; mon ava pran sarz tou sa ki ou bezwen. Me ou pa pou pas lannwit lo plas piblik.”

Ziz 6:23

SENYER ti dir li, “Lape i avek ou! Pa per, ou pa pou mor.”

1 Samyel 25:6

Dir li: Lape i avek ou ek ou fanmir ek tou sa ki ou posede.