Zenez 43:18 - Labib An Kreol Seselwa

¹⁸ Ler sa bann zonm ti ganny anmennen dan lakaz Zozef, zot ti per. Zot ti dir, “Akoz sa larzan ki zot ti remet dan nou sak premye fwa, ki nou pe ganny anmennen dan son lakaz. Zot pou profite pour atrap nou e fer nou lesklav ansanm avek nou bann bourik.”

Zenez 43:18 ပူးပေါင်းရင်းမြစ်များ

Zenez 42:21

Zot ti dir ant zot: I vre nou koupab konsernan nou frer. Nou ti war son soufrans kan i ti sipliy avek nou, me nou pa ti ekout li. La aprezan sa maler in tonm lo nou.

Zenez 42:27

Kan zot ti arete pour kanpe, enn parmi zot ti ouver son sak pour donn manze son bourik; i ti war son larzan anler dan sak.

Zenez 42:28

I ti dir son bann frer, “Zot in rann mwan mon larzan; i dan mon sak!” Zot ti per e zot ti tranble e dir ant zot: Ki Bondye in fer avek nou la?

Zenez 42:35

Kan zot ti vid zot sak, sakenn zot ti dekouver larzan dan son sak. Ler ansanm avek zot papa, zot ti war zot larzan, zot ti per.

Zenez 43:17

Sa zonm ti fer parey Zozef ti'n ordonn li, e i ti anmenn zot kot Zozef.

Zenez 43:19

Alor, zot ti al kot administrater ki ansarz lakaz Zozef pour koz avek li devan laport.

Zenez 44:8

Nou ti retourn avek larzan ki nou ti war anler dan nou sak ler nou ti sorti Kanaan. Pour ki rezon nou ti ava vol larzan oubyen lor dan lakaz ou met?

Liv Zob 15:21

Tapaz terib i kriye dan son zorey. Dan letan prosperite, voler pou atak li.

Liv Zob 30:14

Zot antre par en gran trou e zot deboul lo mwan atraver en ta debri.

Psonm 53:5

Alor, zot pou tranble avek lafreyer, san okenn rezon, akoz Bondye ava fann lezo son bann lennmi partou. Zot ava ganny imilye, akoz Bondye in rezet zot.

Psonm 73:16

Ler mon ti esey konpran, mon ti war sa tro difisil,

Ezai 7:2

Ler Akaz, en desandan lerwa David, ti aprann ki Aranm ti'n alye li avek Efraim, i ti ganny en sok par sa nouvel. Zot ti tranble parey fey dibwa dan divan.

Danyel 6:4

Alor, sa bann sef ek bann gouverner ti rod fason pour akiz Danyel lo size zafer leta. Me, zot pa ti trouv nanryen kont li pour kapab akiz li, ni neglizans, ni okenn fot; i ti en zonm konfyans, san defo.

Mark 6:16

Me kan Herod ti antann sa, i ti dir, “Sa Zanbatis ki mon'n fer koup likou. Li menm ki'n resisite.”

Romen 7:8

Pese in sezi lokazyon pour prodwir dan mwan, par lentermedyer komannman, toudsort kalite dezir, akoz san Lalwa, pese i en keksoz mor.

Deterononm 22:14

Si apre, i blanm li e gat son repitasyon an dizan: Mon'n marye avek sa fanm, me kan mon ti dormi avek li, mon pa ti trouv li vyerz.

Deterononm 22:17

Aprezan, in pe akiz li, ki i pa'n war okenn laprev virzinite mon fiy. La laprev son virzinite. Apre, zot ava ouver sa lenz devan bann ansyen sa lavil.

Ziz 13:22

Manoa ti dir son fanm, “Sirman nou pou mor, akoz nou'n war Bondye!”

Ziz 14:4

Son papa ek son manman pa ti konnen ki sa ti sorti kot SENYER. Annefe, i ti pe rod preteks pour li atak bann Filisten. Dan sa letan, bann Filisten ti pe domin Izrael.