Zenez 43:11 - Labib An Kreol Seselwa

¹¹ Alor, Izrael, zot papa, ti dir zot, “Fer sa ki neseser: Pran en pe meyer prodwi sa pei met dan zot sak, e anmenn koman en kado pour sa zonm: En pe lesans, en pe dimyel, zepis, pistas ek zamann.

Zenez 43:11 ပူးပေါင်းရင်းမြစ်များ

Zenez 33:10

Zakob ti dir, “Non, mon sipliy ou, si ou aksepte mwan, alor, aksepte mon kado. Annefe, mon pe vin dan ou prezans konmsi dan prezans Bondye. Ou'n resevwar mwan avek bonte.

Zenez 37:25

Answit, zot ti asize pour manze. Zot ti war en karavann bann Ismaelit sorti Galaad, zot bann samo ti pe anmenn parfen, lagonm ek lamir, ki zot ti pe anmenn Lezip.

Zenez 43:10

Si nou pa ti'n tarde, nou ti ava'n fini fer en dezyenm vwayaz.”

Zenez 43:14

Mon swete ki Bondye Toupwisan i tous leker sa zonm e ki i ava pran pitye pour zot. I ava les zot lot frer ek Benzamen retournen. Kanta mwan, si fodre perdi ankor mon bann zanfan, i ava konmsi mon ti napa zot.”

Zenez 43:15

Alor, zot ti pran sa bann kado, zot ti anmenn doub kantite larzan avek zot, ansanm avek Benzamen. Zot ti desann Lezip e al prezant zot devan Zozef.

Zenez 43:25

Zot ti prepar zot kado letan zot ti pe esper Zozef, akoz zot ti'n aprann ki zot ti pou manz la.

Zenez 43:26

Kan Zozef ti ariv se li, zot ti donn li kado ki zot ti'n anmenn dan lakaz, e zot ti prosternen devan li lafas ater.

1 Rwa 10:15

San kont sa ki i ti gannyen dan komers avek bann marsan, bann lerwa etranze ek bann gouverner pei.

1 Rwa 10:25

Sakenn ti anmenn bann kado, bann lobze annarzan oubyen annor, lenz, lamir, zepis, seval ek bourik. Zot ti fer sa tou le zour.

1 Rwa 15:19

Annou fer en lalyans ant ou ek mwan, parey ti annan ant ou papa ek mon papa. Mon'n anvoy ou kado lor ek larzan. Al kas lalyans avek Baasa, lerwa Izrael, pour li kit mon teritwar.

1 Rwa 4:21

Salomon ti gouvern tou bann rwayonm depi gran larivyer Efrat, pei Filisten, ziska frontyer Lezip. Lerwa sa bann rwayonm ti pey taks avek Salomon pandan tou zot lavi.

2 Rwa 16:8

Akaz ti pran larzan ek lor ki ti dan tanp SENYER e dan trezor pale lerwa e anvoy koman prezan pour lerwa Asiri.

2 Rwa 20:12

Dan sa lepok, Merodak-Baladann, garson Baladann, lerwa Babilonn, ti anvoy bann let ek en prezan pour Ezekyas. Annefe, i ti'n tande ki Ezekyas ti malad.

2 Rwa 8:8

Lerwa ti dir Azael, “Pran en prezan e al zwenn profet Bondye. Konsilte SENYER par son lentermedyer e demann li si mon pou geri?”

Ester 4:16

Ale, rasanble tou bann Zwif ki i annan dan lavil Siz. Fer en zenn pour mwan pandan trwa zour, san manze ni bwar, aswar koman lizour. Mwan osi, mon pou fer parey, ansanm avek mon bann servant. Answit, menm si i kont lalwa, mon ava al kot lerwa; si fodre mor mon ava mor!

Psonm 68:29

Kot ou tanp dan Zerizalenm, bann lerwa ava anmenn kado pour ou.

Psonm 72:10

Bann lerwa Tarsis ek dan bann zil ava anmenn kado pour li. Bann lerwa Seba ek Saba ava donn li bann lofrann.

Psonm 76:11

Fer ou ve e gard ou promes anver SENYER ou Bondye. Tou bann nasyon dan zalantour ava anmenn kado pour sa enn ki formidab.

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Proverb 17:18

Zis en fou ki pran responsabilite det son prosen.

Proverb 18:16

Ofer en kado i ouver bann laport; i permet rankontre dimoun enportan.

Proverb 19:6

Bokou dimoun i rod faver avek dimoun enportan; tou dimoun i zanmi avek sa enn ki donn kado.

Proverb 21:14

En kado ki'n ganny donn an sekre, i kalme lakoler; en prezan ki'n dan pos i tenny lakoler.

Kantik Salomon 4:10

Mon pti ser! Mon fiyanse! Ou kares i fer mwan dibyen. Ou lanmour i meyer ki diven, loder ou bann parfen i pli bon ki tou bann zepis.

Kantik Salomon 4:14

nar ek safran, lorye ek kannel, e tou bann pye lansan, lamir ek aloes, e tou bann meyer lesans ki santi bon.

Kantik Salomon 8:14

Sove mon lanmoure! Parey en gazel, parey en pti kabri. Al lo bann montanny parfimen.

Zeremi 8:22

Eski nepli annan remed dan Galaad? Nepli annan dokter laba? Akoz ki blesir mon pep pa'n geri?

Ezekyel 27:15

Bann zabitan Dedann ti fer komers avek ou; komers bokou bann zil ti pas par ou lanmen. Zot ti pey ou avek livwar ek dibwa ebenn.

Ezekyel 27:17

Pep Zida ek Izrael ti fer komers avek ou; annesanz pour ou prodwi zot ti fourni ou dible, zoliv ek fig kont sezon, dimyel ek lesans.

Ezekyel 27:22

Bann komersan Saba ek Rama, zot ti fer komers avek ou dan bann bon kalite lesans, pyer presyez ek lor.

Levitik 20:24

Mon ti dir zot: Zot pou erit zot later; mwan ki pou fer zot pran posesyon; sa i en pei kot dile ek dimyel i koule annabondans. Mwan menm zot Bondye ki'n separ zot avek bann pep.

Akt de Zapot 21:14

Nou pa ti kapab konvenk li. Alor, nou ti aret ensiste. Nou ti dir, “Les lavolonte Senyer ganny akonpli.”

Deterononm 33:14

Avek bann bon fri ki soley i prodwi ek tou sa ki i fer pouse sak mwan.

1 Samyel 25:27

Mon demann ou aksepte sa kado ki mon'n anmennen pour partaz avek ou bann zonm.

1 Samyel 9:7

Sail ti dir son serviter, “Si nou al laba, ki nou pou anmennen pour sa profet Bondye? Nou nepli annan dipen dan nou sak, ni okenn kado pour donn li. Ki nou annan?”