Zenez 42:36 - Labib An Kreol Seselwa

³⁶ Zot papa, Zakob, ti dir zot, “Akoz zot, mon pou perdi tou mon zanfan! Zozef ek Simeon nepli la, e zot anvi pran Benzamen, dan tousala, mwan ki soufer.”

Zenez 42:36 ပူးပေါင်းရင်းမြစ်များ

Zenez 42:37

Riben ti dir son papa, “Ou ava kapab touy mon de garson si mon pa retourn avek Benzamen kot ou. Konfye li avek mwan e mon ava retourn avek li.”

Zenez 43:14

Mon swete ki Bondye Toupwisan i tous leker sa zonm e ki i ava pran pitye pour zot. I ava les zot lot frer ek Benzamen retournen. Kanta mwan, si fodre perdi ankor mon bann zanfan, i ava konmsi mon ti napa zot.”

Zenez 44:12

Sa zonm ti fouy dan zot sak konmansan par sa enn ki pli vye pour fini avek sa enn ki pli zenn. I ti war lakoup dan sak Benzamen.

Zenez 45:28

Izrael ti dir, “Mon pa demann plis! Zozef, mon garson i ankor vivan. Mon pou war li avan mon mor.”

Zenez 47:12

Zozef ti donn zot manze dapre lakantite dimoun ki zot ti annan pour nouri.

Liv Zob 7:7

Rapel byen ki mon lavi i zis en souf. Mon lizye pa pou zanmen war boner ankor.

Psonm 34:19

En zonm ki zis i tonm dan bokou maler. Me SENYER i touzour delivre li.

Eklezyas 7:8

Plito lafen en keksoz ki son konmansman. Plito en lespri kalm ki en lespri lorgey.

Ezai 27:9

Konmsa ki pese Zakob pou ganny efase. La rezilta pardon son pese: Tou bann ros ki ti servi pour fer bann lotel avek pou ganny kraze e vin koman lapousyer. Tou bann poto sakre, oubyen bann lotel lansan, pou disparet.

Ezai 38:10

Mon ti dir dan mwan menm: Mon apenn lanmwatye mon lavi e deza mon bezwen ale. Mon'n ganny kondannen pour pas leres mon lavi devan lemonn lanmor.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Zeremi 31:15

La sa ki SENYER i deklare: Nou antann bann lavwa kriye asodlarm, sorti dan direksyon Rama. Sa i Rasel ki pe pler son bann zanfan. I refiz tou konsolasyon, akoz zot nepli la.

Matye 14:31

Deswit Zezi ti anvoy lanmen, atrap li. I ti dir li, “Ou napa bokou lafwa! Akoz ou'n doute?”

Romen 8:28

Nou konnen ki Bondye i fer tou pour byennet tou bann ki kontan li, pour tou sa bann ki i'n swazir dapre son plan.

Romen 8:31

Ki nou kapab dir ankor? Si Bondye i pour nou, lekel ki pou kapab kont nou?

1 Korentyen 10:13

Bann tantasyon ki zot in gannyen, i ariv avek tou dimoun. Me Bondye i fidel dan son promes. I pa pou permet ki nou ganny tante plis ki nou kapab siporte. Kan tantasyon i vini, Bondye osi i donn lafors pour kapab siporte, e mwayen pour sorti.

2 Korentyen 4:17

Nou bann pti soufrans aktyel pe prepar pour nou en gran laglwar eternel ki napa okenn konparezon.

1 Samyel 27:1

David ti dir dan li menm: En zour ou lot, mon pou mor par lanmen Sail. Meyer keksoz mon kapab fer, se sove e al dan pei bann Filisten. Konmsa, Sail ava aret rod mwan partou dan teritwar Izrael; konmsa, mon ava kapab sape.