Zenez 42:10 - Labib An Kreol Seselwa

¹⁰ Zot ti reponn li, “Non, mon senyer, ou bann serviter in zis vin aste manze.

Zenez 42:10 ပူးပေါင်းရင်းမြစ်များ

Zenez 27:29

Bann pep ava servi ou, e bann nasyon ava prostern devan ou. Ou ava domin lo ou bann frer, e bann garson ou manman ava azenou devan ou. Sa enn ki modi ou, pou ganny modi; sa enn ki beni ou, pou ganny beni!

Zenez 27:37

Izaak ti reponn, “Mon'n fer li vin ou met, e tou son bann frer pou vin son serviter. Mon'n beni li avek manze ek diven. Ki mon pou kapab donn ou, mon garson?”

Zenez 37:8

Son bann frer ti dir li, “Eski ou pou vreman vin nou lerwa? Oubyen, eski vreman ou pou annan dominasyon lo nou?” Zot ti deteste li plis ankor akoz son bann rev e mannyer i ti rakont zot.

Zenez 42:11

Nou tou, nou bann garson en sel zonm. Nou bann zonm onnet. Nou, ou bann serviter, nou pa bann espyon.”

Zenez 44:9

Si ou war nenport kwa lo nenport ki parmi nou, i ava ganny touye e nou, nou ava vin ou bann lesklav.”

1 Rwa 18:7

Abdyas ti ankor dan semen, Eli ti vin rankontre li. Abdyas ti rekonnet li e prostern devan li. I ti dir, “Ou sa, mon senyer, Eli?”

1 Samyel 26:17

Sail ti rekonnet lavwa David. I ti demande, “David, mon garson! Sa pa ou lavwa?” David ti reponn, “Wi, mon senyer, mon rwa. Mwan sa!”