Zenez 41:42 - Labib An Kreol Seselwa

⁴² Apre, Faraon ti tir son bag dan son ledwa e met dan ledwa Zozef. I ti met li zoli lenz linenn ek en kolye annor dan son likou.

Zenez 41:42 ပူးပေါင်းရင်းမြစ်များ

Zenez 38:18

Zida ti dir li, “Ki lobze garanti mon kapab donn ou?” I ti reponn, “Donn mwan ou sele avek son kordon ek sa baton ki dan ou lanmen.” Alor i ti donn li tousala e dormi avek li. Tamar ti tonm ansent.

Zenez 41:43

I ti fer li mont dan kales son asistan e zot ti kriye devan li, “Atansyon! Gouverner pe pase!” Alor, Zozef ti ganny nonmen gouverner Lezip.

Ester 10:3

Zwif Mardose ti dezyenm apre lerwa Zerzes; i ti pwisan e popiler parmi bokou bann Zwif akoz i ti rod byennet son pep e entersed pour lape son bann desandan.

Ester 3:10

Alor, lerwa ti pran son bag ki port son stanp e donn Haman, garson Hamedata, en Agagit, lennmi bann Zwif.

Ester 3:12

Trezyenm zour premye mwan, bann sekreter lerwa ti ganny konvoke. Parey sa ki Haman ti'n ordonnen, en lord ti ganny ekri e anvoye kot tou bann reprezantan lerwa e bann gouverner dan tou bann provens e kot tou bann sef parmi lepep, kot sak nasyon dapre son lekritir ek son langaz. Sa lord ti'n ganny ekri e sinyen o non lerwa Zerzes e sele avek stanp lerwa.

Ester 8:10

Bann let ti ganny ekri lo non lerwa Zerzes e sele avek stanp lerwa. Sa bann let ti ganny ekspedye par bann mesaze lo seval deras ki ti ganny sonnyen dan lekiri rwayal.

Ester 8:15

Mardose ti sorti devan lerwa abiye dan labi rwayal kouler ble e blan avek en gro kouronn annor, en gran manto an linenn fen, kouler rouz fonse. Dan lavil Siz, ti annan tapaz ek selebrasyon.

Ester 8:2

Lerwa ti tir son bag avek stanp ki i ti'n repran avek Haman e donn Mardose. Lo son kote, Ester ti met Mardose responsab bann byen Haman.

Ester 8:8

Aprezan, o non lerwa, ou kapab ekri sa ki ou oule konsernan bann Zwif, e sel li avek sele rwayal, akoz en lalwa ekri lo non lerwa e sele avek son stanp, pa kapab ganny anile.”

Psonm 73:6

Alor, lorgey i koman en kolye dan zot likou; vyolans i sel lenz ki zot mete.

Proverb 1:9

Annefe, zot en kouronn lo ou latet e bann kolye otour ou likou.

Proverb 31:22

I fabrik bann kouvertir; i annan bann lenz fer avek len fen, kouler rouz.

Proverb 31:24

I fabrik bann lenz linenn ki i vann; i livre bann sentir avek bann marsan.

Kantik Salomon 1:10

Ou lazou i zoli dan milye bann bizou; ou likou i zoli parmi bann kolye. Berze

Kantik Salomon 4:9

Mon pti ser! Mon fiyanse! Ou'n rann mwan fou. Par en sel regar, par en sel perl ou kolye, ou'n rann mwan fou.

Ezai 3:23

semiz linenn, vwal.

Zeremi 52:33

Konmsa, Yoakin ti ganny permisyon pour li tir son lenz prizonnyen. Tou son lavi diran, i ti manz lo menm latab avek lerwa Babilonn.

Ezekyel 27:7

Ou bann lavwal in ganny koud avek linenn fen, sorti Lezip, dekore avek brodri, parey paviyon ki ou rekonnet depi lwen. Ou ti osi annan latwal kouler vyolet ek rouz sorti zil Sip.

Danyel 5:16

Me, mon'n aprann ki ou kapab donn lenterpretasyon e rezoud bann problenm difisil. Aprezan, si ou kapab lir sa lekritir e donn mwan son lenterpretasyon, ou ava ganny abiye dan en rob rouz, ou ava ganny en kolye annor otour ou likou e ou ava okip trwazyenm plas dan gouvernman mon rwayonm.”

Danyel 5:29

Deswit apre, Baltazar ti donn lord pour abiy Danyel dan en lenz rouz, met en kolye annor otour son likou, e proklanm li trwazyenm personnaz dan gouvernman son rwayonm.

Danyel 5:7

Lerwa ti kriye avek tou son lafors, pour apel bann savan, bann mazisyen, bann deviner. I ti dir avek bann savan Babilonn: Sa enn ki kapab lir sa ki'n ganny ekri e dir mwan son lenterpretasyon, pou ganny met en rob rwayal rouz, en kolye annor otour son likou, e i ava ganny trwazyenm plas dan gouvernman mon rwayonm.

Levanzil dapre Lik 15:22

Me son papa ti dir bann serviter: Depese, anmenn pli zoli rob pour met li. Met en bag dan son ledwa e met li son sandal dan son lipye.

1 Samyel 18:4

Zonatan ti tir son manto lo li e donn David, ansanm avek son lenz lager, son lepe, son fles ek son sang.