Zenez 41:25 - Labib An Kreol Seselwa

²⁵ Zozef ti dir Faraon, “Sa de rev i en sel rev. Bondye in montre Faraon sa ki i pou fer.

Zenez 41:25 ပူးပေါင်းရင်းမြစ်များ

Zenez 40:8

Zot ti dir li, “Nou'n ganny en rev, e napa personn ki kapab donn nou en lenterpretasyon.” Zozef ti dir zot, “Pa Bondye ki donn lenterpretasyon rev? Pa per! Rakont mwan zot rev.”

Zenez 41:16

Zozef ti reponn Faraon, “Pa mwan, me Bondye ki ava donn ou en lenterpretasyon favorab ou rev.”

Zenez 41:26

Sa set zoli bef, i reprezant set lannen, e sa set gro zepi osi, i set lannen. I form en menm rev.

Zenez 41:28

Parey mon'n dir Faraon, Bondye in montre li sa ki i pou fer.

Zenez 41:32

Si ou'n rev de fwa, sa i montre ki Bondye in deside e i pa pou tarde pour fer li arive.

Psonm 98:2

SENYER in fer konn son laviktwar; in revel son lazistis devan tou bann nasyon.

Egzod 9:14

Safwasi, mon pou anvoy tou kalite fleo lo ou, lo ou bann serviter e lo ou pep, pour ki ou ava konnen ki lo later antye, napa enn parey mwan.

Ezai 43:9

Reini tou bann nasyon! Rasanble tou bann pep! Lekel parmi zot ti deklare e dir nou davans sa ki ti pou arive? Anmenn zot bann temwen pour prouve ki zot annan rezon! Annou les bann temwen ekout zot e dir: Sa i vre!

Danyel 2:45

Ou ti war sa ros sorti dan montanny, san lentervansyon okenn lanmen, e i ti kraz fer, bronz, later, larzan ek lor. Bondye ki gran in fer konnen lerwa sa ki pou arive dan lavenir. Sa rev i vre e son lenterpretasyon i bon.

Danyel 2:47

Lerwa ti dir Danyel, “Vreman, ou Bondye i Bondye tou bann bondye, e SENYER tou bann lerwa, sa enn ki revel bann mister, akoz ou'n kapab revel sa mister avek mwan!”

Amos 3:7

Annefe, Senyer BONDYE pa fer nanryen, san revel son plan avek son bann serviter, bann profet!

Matye 24:40

Alor, lo de zonm ki pe travay dan plantasyon, enn pou ganny anmennen, lot pou ganny kite.

Mark 13:23

Me zot, fer byen atansyon! Mon'n averti zot davans lo tou sa ki pou arive.”

Efezyen 1:17

Mon demann Bondye nou Senyer Zezi-Kri, nou Papa merveye, donn zot Lespri lasazes ki ava revel avek zot e fer zot konn li vreman.

Zozye 11:6

SENYER ti dir Zozye, “Pa per zot, akoz demen menm ler, mon pou livre zot tou, mor, dan lanmen Izrael. Ou ava koup zare zot bann seval e bril zot bann kales lager.”

Revelasyon 4:1

Apre sa, mon ti regarde, e mon ti war en laport ouver dan lesyel. Sa lavwa ki ti sonn koman en tronpet, ki mon ti'n tande avan, ti dir mwan: Mont isi e mon ava fer ou war sa ki pou arive apre sa.