Zenez 4:7 - Labib An Kreol Seselwa

⁷ Si ou fer sa ki byen, ou ava refer, si ou pa fer sa ki byen, pese pou dormi devan ou laport. Me ou, fodre ou kontrol li.”

Zenez 4:7 ပူးပေါင်းရင်းမြစ်များ

Zenez 19:21

Enn ti dir li, “Mon ava fer ou sa faver, mon pa pou detri sa lavil ki ou'n dir.

Zenez 3:16

Apre, SENYER Bondye ti dir avek sa fanm, “Mon pou ogmant ou douler lakousman. Ou pou soufer bokou pour ganny zanfan. Ou pou ganny atire ver ou mari, me i pou domin lo ou.”

2 Samyel 24:23

Mon donn ou tou, mon rwa.” Aravna ti azoute, “Mon swete ki SENYER ou Bondye ava aksepte ou lofrann.”

2 Rwa 8:28

I ti al dan lager avek Yoranm, garson Akab, pour atak Azael, lerwa Lasiri, dan lavil Ramot-Galaad, kot Yoranm ti ganny blese par bann Siriyen.

Liv Zob 11:14

si ou'n fer move aksyon, arete. Si ou pa les lenzistis antre se ou,

Liv Zob 11:15

alor, sirman ou pou kapab lev latet san onte; personn pa pou fer ou per.

Liv Zob 29:4

A wi lontan, kan mon ti ankor for! Lanmitye Bondye ti vey lo mon lakaz.

Liv Zob 42:8

Aprezan, pran set toro ek set bouk e al kot mon serviter Zob e ofer en sakrifis konplet pour zot menm. Mon serviter Zob ava priy pour zot e mon ava ekout son lapriyer. Konmsa, mon pa pou tret zot parey zot merite. Akoz zot pa'n koz laverite lo mwan, parey mon serviter Zob in fer.

Proverb 18:5

I pa byen donn rezon sa enn ki koupab; oubyen refiz enn ki zis, son drwa

Proverb 21:27

Sakrifis bann malfeter i degoutan; anplis, zot ofer li avek move lentansyon.

Zeremi 3:12

Alor Zeremi! Al anons sa mesaz avek tou bann zabitan dan Nor. Mwan SENYER ki deklare: Izrael enfidel, retourn kot mwan. Mon pa pou kontinyen pran lakoler avek ou akoz mwan SENYER, mon annan pitye pour ou. Mon pa pou gard lakoler avek ou pour touzour, SENYER i deklare.

Zeremi 6:20

Mon pa bezwen lansan ki sorti dan pei Saba, oubyen dibwa parfimen ki sorti dan pei etranze. Mon pa bezwen bann zannimo ki zot brile lo lotel; zot bann sakrifis pa fer mwan plezir.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Malasi 1:10

Ti ava preferab ki enn parmi zot ti ava ferm bann laport tanp e personn pa ti ava alim dife pour nanryen lo mon lotel, SENYER liniver i deklare. Zot pa fer mwan plezir, mon pa pou aksepte zot sakrifis, SENYER liniver ki deklare.

Malasi 1:13

Zot osi oze dir: Tousala i fatigan, e zot lev nennen avek mwan. Zot menm ofer sakrifis zannimo vole, malad oubyen andikape. Eski mon kapab aksepte sa, sorti kot zot? SENYER ki deklare.

Malasi 1:8

Kan zot ofer sakrifis zannimo aveg, eski sa i byen? Kan zot ofer zannimo andikape oubyen malad, eski zot krwar napa nanryen mal ladan? Esey donn sa ou gouverner. Eski sa pou fer li plezir e i ava rekonpans zot? SENYER liniver ki deklare.

Nonm 32:23

Me si zot pa gard zot promes, mon averti zot ki zot pou komet en pese devan SENYER. Konnen ki i pou pini zot pour sa pese.

Akt de Zapot 10:35

me dan nenport ki nasyon, tou dimoun ki annan respe pour li e ki fer sa ki byen, Bondye i kontan zot.

Romen 12:1

Alor, mon bann frer ek ser! Pour tou sa bonte ki Bondye in manifeste anver nou, mon ankouraz zot pour ofer zot lekor koman en sakrifis vivan, sen e agreab, devan Bondye. Sa i ava zot ladorasyon spirityel.

Romen 14:18

Sa enn ki servi Kris dan sa fason, i fer plezir Bondye, e dimoun i kontan li.

Romen 15:16

pour fer mwan vin serviter Zezi-Kri pour bann pep ki non-Zwif. Mon pe fer en servis sakre, anonsan Bonn Nouvel Bondye, pour ki bann non-Zwif i vin en lofrann agreab pour Bondye, konsakre par Lespri Sen.

Romen 6:12

Alor, pa les pese pran kontrol lo zot lekor mortel, pour fer zot obei son bann dezir.

Romen 6:16

Zot konn tre byen: Si zot met zot anba servis en dimoun pour obeir li, zot vin lesklav sa met ki zot obeir. E sa met i swa pese ki anmenn lanmor, swa lobeisans ki anmenn lazistis.

Efezyen 1:6

Alor, annou loue Bondye pour son lagras, pour donn nou gratwitman sa kado, dan son Garson byenneme.

1 Timote 5:4

Si en vev i annan zanfan oubyen pti zanfan, fodre ki sa bann zanfan i aprann met an pratik zot devwar relizye dabor anver zot prop fanmir. Konmsa, zot ava pe ranpli zot devwar anver zot paran oubyen zot gran paran. Sanmenm sa ki fer plezir Bondye.

Ebre 11:4

Par lafwa, Abel ti ofer en meyer sakrifis ki sakrifis Kaen. Akoz lafwa Abel, Bondye ti deklar li zis. Pour sa rezon, i ti aprouv son lofrann. Par son lafwa, Abel pe kontinyen koze menm si i'n mor.

Let Zak 1:15

Alor, en fwa ki move dezir in ganny formen, i donn nesans pese, e kan pese in devlope, i anmenn lanmor.

1 Pyer 2:5

Zot osi, koman bann ros vivan, ansanm vin konstri sa Tanp kot Lespri i reste. Zot ava form en kominote bann pret sen ki ava ofer sakrifis spirityel, akseptab devan Bondye par Zezi-Kri.