Zenez 4:4 - Labib An Kreol Seselwa

⁴ Abel li, ti ofer en sakrifis bann premye zannimo ki son troupo ti'n prodwir. SENYER ti aksepte Abel ek son lofrann.

Zenez 4:4 ပူးပေါင်းရင်းမြစ်များ

Zenez 15:17

Kan soley ti'n kouse e fernwanr ti fer, en sel kou, en brazye kot ti sorti lafimen ek laflanm ti aparet e pas ant bann morso zannimo.

Zenez 4:3

Apre en serten letan, Kaen ti ofer SENYER en lofrann fri ki later ti'n prodwir.

1 Rwa 18:24

Zot ava envok non ou bondye e mwan, mon ava envok non SENYER. Sa enn ki ava reponn par dife, li menm Bondye.” Lepep ti reponn, “Dakor!”

1 Rwa 18:38

Alor, dife SENYER ti desann, e bril sakrifis konplet, dibwa, ros, ek later e fer sek delo ki ti dan transe.

1 Kronik 21:26

I ti konstri en lotel pour SENYER la. I ti ofer li en sakrifis konplet ek sakrifis lape. I ti priy SENYER e i ti reponn li par en dife ki ti sorti dan lesyel, ki ti desann lo lotel sakrifis.

2 Kronik 7:1

Ler Salomon ti fini priye, dife ti desann sorti dan lesyel e ti bril sakrifis konplet ek lezot bann sakrifis. Laglwar prezans SENYER ti ranpli tanp.

Psonm 20:3

I ava mazin tou ou bann lofrann e aksepte ou bann sakrifis konplet.

Egzod 13:12

ou ava met apar pour SENYER tou zanfan mal premye ne e tou premye porte parmi ou bann zannimo. Tou mal i pour SENYER

Proverb 3:9

Rann glwar SENYER avek sa ki ou annan, e avek premye fri tou ou bann rekolt.

Eklezyas 4:4

Mon'n war osi ki bann dimoun ki zot aktivite i selman pour reisir e depas lezot. Sa ankor i anven e en lakours deryer divan.

Levitik 9:24

En dife ti sorti devan SENYER e devor sakrifis konplet ek lagres lo lotel. Pep Izrael antye ti war sa; zot ti kriye avek lazwa e tonm lafas ater.

Nonm 16:15

Moiz ti tre ankoler. I ti dir SENYER, “Pa aksepte zot lofrann. Mon pa'n fer zot okenn ditor; mon pa'n ni menm pran en bourik pour zot.”

Nonm 16:35

Apre sa, SENYER ti fer desann en dife ki ti bril sa 250 zonm ki ti pe ofer lansan.

Nonm 18:12

Mon donn ou prodwi ki zot ofer SENYER: Meyer delwil, meyer diven ek dible.

Nonm 18:17

Me ou pa pou kapab aste premye porte en bef, en mouton oubyen en kabri, akoz zot sakre. Ou ava vers zot disan lo lotel, bril zot lagres e bril zot karkas koman en sakrifis lo lotel; i pou en loder ki fer plezir SENYER.

Ebre 11:4

Par lafwa, Abel ti ofer en meyer sakrifis ki sakrifis Kaen. Akoz lafwa Abel, Bondye ti deklar li zis. Pour sa rezon, i ti aprouv son lofrann. Par son lafwa, Abel pe kontinyen koze menm si i'n mor.

Ebre 9:22

Annefe, dapre Lalwa, preski tou keksoz i ganny pirifye avek disan, e san versman disan, napa pardon pese.

Revelasyon 13:8

Tou zabitan later, tou bann ki zot non pa'n ganny ekri depi konmansman lemonn, dan liv lavi Zenn Mouton ki'n ganny egorze, pou prostern devan li.

Ziz 6:21

Avek baton ki ti dan son lanmen, mesaze SENYER ti tous lavyann ek bann dipen san lelven. En dife ti sorti dan ros e bril sa lavyann ek bann dipen san lelven. Apre, mesaze SENYER ti disparet.

1 Samyel 15:22

Samyel ti dir, “Eski SENYER i pran otan plezir dan lofrann ek sakrifis plito ki dan lobeisans sa enn ki ekout lavwa SENYER? Lobeisans i vomye ki sakrifis. Soumisyon i vomye ki lagres bouk.