Zenez 39:3 - Labib An Kreol Seselwa

³ Son met ti war ki SENYER ti avek li, e ki SENYER ti fer li reisi dan tou sa ki i ti antreprann.

Zenez 39:3 ပူးပေါင်းရင်းမြစ်များ

Zenez 21:20

Bondye ti avek sa garson ki ti grandi. I ti viv dan dezer e i ti vin en bon saser avek fles.

Zenez 21:22

Dan sa lepok, Abimelek ek Pikol, sef son larme, ti vin dir Abrahanm, “Bondye i avek ou dan tou sa ki ou fer.

Zenez 21:23

Promet mwan par en serman devan Bondye ki ou pa pou tronp ni mwan, ni mon bann zanfan, ni mon desandans. Parey mon'n byen azir anver ou, ou osi ou pou byen azir anver mwan e anver sa pei kot ou pe reste.”

Zenez 26:24

SENYER ti aparet avek li sa swar. I ti dir li, “Mwan menm Bondye ou papa, Abrahanm. Pa bezwen per, akoz mon avek ou. Mon pou beni ou e ogmant ou desandans, akoz mon serviter Abrahanm.”

Zenez 26:28

Zot ti dir, “Nou oblize aksepte ki SENYER i avek ou. Alor, nou pe dir ki ti ava bon annan en lalyans ant ou ek nou. Annou fer en lalyans:

Zenez 30:27

Me Laban ti dir li, “Ekout mwan, silvouple. Mon'n ganny en revelasyon ki SENYER in beni mwan akoz ou.

Zenez 30:30

Avan mon ti vini, ou ti napa bokou. Depi ki mon la, ou'n ganny en kantite par mon lanmen. SENYER in beni ou. Kan eski mon pou travay pour mon prop fanmir?”

Zenez 39:2

SENYER ti avek Zozef. I ti reisi dan tou sa ki i ti antreprann. I ti travay dan lakaz son met Ezipsyen.

Zenez 39:21

SENYER ti avek Zozef; i ti montre son labonte anver li. Zozef ti ganny faver avek sa komandan prizon,

Zenez 39:23

Komandan prizon pa ti annan nanryen pour trakase, tou ti dan lanmen Zozef. SENYER ti avek li e i ti fer li reisi dan tou sa ki i ti antreprann.

2 Rwa 18:7

SENYER ti avek li. I ti reisi dan tou sa ki i ti antreprann. I ti revolte kont lerwa Asiri e refize servi li.

1 Kronik 22:13

Si ou respekte e met an pratik tou bann lalwa ek regleman ki SENYER in donn Moiz pour Izrael, ou ava reisi. Reste for, pran kouraz e pa per; pa les lafreyer pran ou.

1 Kronik 9:20

Fineas, garson Eleazar ti zot sef dan lepase; SENYER ti avek li.

2 Kronik 1:1

Salomon, garson David, ti vin en lerwa for dan son rwayonm. SENYER, son Bondye, ti avek li e fer li vin en tre gran lerwa.

2 Kronik 26:5

Ozyas ti fer tou pour servi Bondye toultan ki Zakari ti vivan. Zakari ti annan vizyon Bondye e ti ansenny li respe pour Bondye. SENYER ti fer li prospere osi lontan ki i ti servi li.

Nehemi 2:20

Mon ti reponn zot, “Bondye dan lesyel ki pou fer nou reisi. Nou son bann serviter, nou pou konmans rekonstri lavil. Me zot, zot napa okenn par ladan, okenn drwa, napa nanryen pour zot dan Zerizalenm.”

Psonm 1:3

I parey en pye dibwa ki'n ganny plante obor larivyer, ki raport fri dan son sezon; son fey i reste touzour ver. I reisi dan tou sa ki i antreprann.

Zakari 8:23

La sa ki SENYER liniver i deklare: Dan sa bann letan, dis etranze ki koz diferan langaz, pou vin anpandan avek en Zwif. Zot pou atrap son lenz e dir li: Nou oule vin avek ou, nou'n tande ki Bondye i avek ou.

Matye 5:16

Konmsa ki zot lalimyer i devre klere devan tou dimoun, pour ki zot war byen zot bann bon aksyon e loue zot Papa ki dan lesyel.

1 Korentyen 16:2

Premye zour sak semenn, sakenn ava met dekote se li, larzan ki i'n reisi eparnyen. Konmsa, zot pa pou bezwen esper mwan arive pour anmas bann kontribisyon.

Deterononm 2:7

SENYER, ou Bondye in beni ou dan tou sa ki ou'n antreprann. In vey lo ou semen dan sa gran dezer. Pandan 40 an, SENYER, ou Bondye ti avek ou; ou pa'n mank nanryen.

Zozye 1:9

Pa mon'n ordonn ou: Reste for, pran kouraz. Pa per, pa tranble, akoz SENYER, ou Bondye, i avek ou partou kot ou pou ale.

Revelasyon 3:9

La sa ki mon pou fer avek bann ki form lasanble Satan, sa bann manter ki pretann ki zot Zwif me ki pa Zwif: Mon pou fer zot vin azenou devan ou e zot ava rekonnet ki mon'n kontan ou.

1 Samyel 18:14

Dan tou son bann misyon, David ti reisi, akoz SENYER ti avek li.

1 Samyel 18:28

Sail ti remarke ki SENYER ti avek David. Mikal, fiy Sail ti kontan David.

1 Samyel 3:19

Samyel ti grandi. SENYER ti avek li e i ti fer realize tou son bann parol.