Zenez 39:2 - Labib An Kreol Seselwa

² SENYER ti avek Zozef. I ti reisi dan tou sa ki i ti antreprann. I ti travay dan lakaz son met Ezipsyen.

Zenez 39:2 ပူးပေါင်းရင်းမြစ်များ

Zenez 21:20

Bondye ti avek sa garson ki ti grandi. I ti viv dan dezer e i ti vin en bon saser avek fles.

Zenez 21:22

Dan sa lepok, Abimelek ek Pikol, sef son larme, ti vin dir Abrahanm, “Bondye i avek ou dan tou sa ki ou fer.

Zenez 26:24

SENYER ti aparet avek li sa swar. I ti dir li, “Mwan menm Bondye ou papa, Abrahanm. Pa bezwen per, akoz mon avek ou. Mon pou beni ou e ogmant ou desandans, akoz mon serviter Abrahanm.”

Zenez 26:28

Zot ti dir, “Nou oblize aksepte ki SENYER i avek ou. Alor, nou pe dir ki ti ava bon annan en lalyans ant ou ek nou. Annou fer en lalyans:

Zenez 28:15

Mon pou avek ou, mon pou protez ou e fer ou retourn isi. Mon pa pou kit ou ziska ki mon'n fer sa ki mon'n promet ou.”

Zenez 39:23

Komandan prizon pa ti annan nanryen pour trakase, tou ti dan lanmen Zozef. SENYER ti avek li e i ti fer li reisi dan tou sa ki i ti antreprann.

Zenez 39:3

Son met ti war ki SENYER ti avek li, e ki SENYER ti fer li reisi dan tou sa ki i ti antreprann.

2 Rwa 18:7

SENYER ti avek li. I ti reisi dan tou sa ki i ti antreprann. I ti revolte kont lerwa Asiri e refize servi li.

1 Kronik 9:20

Fineas, garson Eleazar ti zot sef dan lepase; SENYER ti avek li.

2 Kronik 1:1

Salomon, garson David, ti vin en lerwa for dan son rwayonm. SENYER, son Bondye, ti avek li e fer li vin en tre gran lerwa.

Psonm 1:3

I parey en pye dibwa ki'n ganny plante obor larivyer, ki raport fri dan son sezon; son fey i reste touzour ver. I reisi dan tou sa ki i antreprann.

Psonm 46:11

SENYER liniver i avek nou; Bondye Zakob i nou labri.

Psonm 46:7

SENYER liniver i avek nou; Bondye Zakob i nou labri.

Psonm 91:15

Kan i ava kriy ver mwan, mon pou reponn li. Dan son maler, mon pou la avek li; mon pou sov li e fer li loner.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Ezai 43:2

Si ou travers lanmer, mon pou avek ou; si ou travers bann gran larivyer, ou pa pou ganny trennen. Si ou mars atraver dife, ou pa pou ganny brile, e bann laflanm pa pou fer ou dimal,

Zeremi 15:20

Devan sa bann dimoun, mon pou fer ou vin solid parey en miray fortifye an bronz. Si zot esey fer lager kont ou, mon pou avek ou pour protez ou, gard ou e delivre ou.

Matye 1:23

En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.

Akt de Zapot 8:31

Sa zonm ti reponn, “Ki mannyer mon kapab konpran, si personn pa eksplik mwan?” I ti envit Filip pour mont dan son kales e asiz akote li.

1 Timote 6:1

Tou bann lesklav, zot devre annan respe pour zot met. Konmsa, personn pa ava ensilte non Bondye ek nou lansennyman.

Zozye 1:5

Personn pa pou tenir devan ou, tou dilon ou lavi. Mon pou avek ou, parey mon ti avek Moiz. Mon pou touzour avek ou. Mon pa pou abandonn ou.

Zozye 1:9

Pa mon'n ordonn ou: Reste for, pran kouraz. Pa per, pa tranble, akoz SENYER, ou Bondye, i avek ou partou kot ou pou ale.

Zozye 6:27

SENYER ti avek Zozye, e son renonmen ti gran atraver pei antye.

1 Samyel 16:18

Enn bann serviter ti reponn, “Mon'n war en garson Zese, ki sorti Betlehenm, ki zwe byen. I osi en konbatan, en vayan gerye, i koz byen e i en zoli zennzan. SENYER i avek li.”

1 Samyel 18:14

Dan tou son bann misyon, David ti reisi, akoz SENYER ti avek li.

1 Samyel 18:28

Sail ti remarke ki SENYER ti avek David. Mikal, fiy Sail ti kontan David.

1 Samyel 3:19

Samyel ti grandi. SENYER ti avek li e i ti fer realize tou son bann parol.