Zenez 39:1 - Labib An Kreol Seselwa

¹ Zozef ti ganny anmennen Lezip. Potifar, en sef Ezipsyen, sef bann gard dan lakour Faraon, ti aste li avek bann Ismaelit ki ti'n anmenn li.

Zenez 39:1 ပူးပေါင်းရင်းမြစ်များ

Zenez 37:25

Answit, zot ti asize pour manze. Zot ti war en karavann bann Ismaelit sorti Galaad, zot bann samo ti pe anmenn parfen, lagonm ek lamir, ki zot ti pe anmenn Lezip.

Zenez 37:28

En bann marsan Madyanit ti pas par la. Zot ti tir Zozef dan sa pwi e zot ti vann li avek sa bann Ismaelit pour 20 pyes larzan. Sa bann marsan ti anmenn Zozef Lezip.

Zenez 37:36

Alor, bann Madyanit ti'n vann Zozef Lezip avek Potifar, en sef e kaptenn gard rwayal dan lakour Faraon.

Zenez 40:3

I ti fer met zot dan prizon kot son sef gard, sa menm prizon kot Zozef ti ete.

Zenez 45:4

Zozef ti dir son bann frer, “Apros isi obor mwan.” Alor, zot ti aprose. I ti dir zot, “Mwan Zozef, zot frer ki zot ti vann pour ganny anmennen Lezip.

Psonm 105:17

I ti anvoy en zonm devan zot; sa ti Zozef, ki ti ganny vann koman en lesklav.

Akt de Zapot 7:9

Nou bann patriars ti zalou Zozef, e zot ti vann li koman lesklav pour ganny anmennen Lezip. Me Bondye ti avek li.