Zenez 38:24 - Labib An Kreol Seselwa

²⁴ Anviron trwa mwan plitar, Zida ti ganny dir, “Tamar ou belfiy, in vin en prostitye e i ansent.” Zida ti dir, “Anmenn li isi e i ava ganny brile.”

Zenez 38:24 ပူးပေါင်းရင်းမြစ်များ

Zenez 20:3

Pandan lannwit, Bondye ti aparet avek Abimelek dan en rev. I ti dir li, “Ou pou mor akoz sa fanm ki ou'n pran, i en fanm marye.”

Zenez 20:7

Aprezan, rann sa zonm son fanm, akoz i en profet. I ava priy pour ou e ou ava viv. Me si ou pa fer sa, ou pou mor, ou, avek tou ou fanmir.”

Zenez 20:9

Apre, Abimelek ti fer apel Abrahanm. I ti dir li, “Ki ou'n fer nou? Ki mon'n fer kont ou pour ou anmenn sa malediksyon lo mwan e lo mon rwayonm? Ou pa ti devre azir konmsa anver mwan.

Zenez 34:31

Zot ti dir, “Eski i ti devre tret nou ser koman en prostitye?”

Zenez 38:23

Zida ti reponn, “Les li gard sa bann keksoz pour li. Fodre pa ki nou rann nou ridikil. Mon'n anvoy li sa zenn kabri e ou pa'n kapab trouv li.”

2 Samyel 12:5

Lakoler David ti monte kont sa zonm ris. I ti dir Natan, “Lo lavi SENYER, sa zonm ki'n fer sa i merit lanmor.

2 Samyel 12:7

Alor, Natan ti dir David, “Ou menm sa zonm ki'n fer sa! La sa ki SENYER, Bondye pep Izrael i deklare: Mon'n konsakre ou koman lerwa pep Izrael; mon'n delivre ou dan lanmen Sail.

Eklezyas 7:26

Alor, mon'n dekouver sa ki pli anmer ki lanmor: En fanm ki tant zonm, son leker i parey en pyez e son lanmen i parey lakord. Sa zonm ki fer plezir Bondye pou sape, me en peser pou pri dan son lasenn.

Zeremi 2:20

La sa ki SENYER liniver i deklare: Izrael! Depi lontan ou pe revolte kont mwan. Ou'n refize obei mwan, ou'n refize ador mwan. Alor, lo nenport montanny e anba tou pye dibwa avek ver, ou'n donn ou lekor koman prostitye.

Zeremi 3:1

La sa ki SENYER i deklare: Kan en zonm i divorse avek son fanm, e sa fanm i kit li pour en lot zonm, son mari pou kapab repran li ankor? Si i fer sa, pa i pe rann pei enpir? Sa ki Izrael in fer: In prostitye li avek en kantite lanmoure. Aprezan i oule retourn kot mwan!

Zeremi 3:6

Dan letan ki Zosyas ti lerwa, SENYER ti dir mwan, “Eski ou'n war sa ki Izrael in fer? Parey en fanm ki tronp son mari, in al lo bann kolin bwaze kot i azir parey en prostitye anba sa pye dibwa ki son feyaz i ver.

Zeremi 3:8

In osi war sa ki'n arive avek rwayonm Izrael kan i ti tourn kont mwan. Akoz in komet adilter, mon'n divorse avek li e mon'n sas li. Malgre sa, Zida, son swadizan ser, sa tret, pa'n per mon pinisyon, e li osi, in al dan prostitisyon.

Ezekyel 16:15

Me ou ti met ou konfyans dan ou labote; ou ti tonm dan prostitisyon akoz ou renonmen e ou ti zet ou dan lebra tou zonm ki ti pas par la.

Ezekyel 16:25

Dan tou kwen semen, ou ti annan bann lakaz kot ou ti servi ou labote e livre ou lekor avek tou sa ki pase. Tou le zour, ou lavi prostitisyon ti ogmante.

Ezekyel 16:26

Ou ti larg ou avek ou bann vwazen Ezipsyen ki ti annan gro lekor, ou ti kontinyen ogmant ou bann aksyon degoutan pour provok mon lakoler.

Ezekyel 16:28

Ou ti osi abandonn ou avek bann Asiriyen akoz ou pa ti'n ankor satisfer ou pasyon. Ou ti livre ou lekor avek zot, me la ankor ou pa ti satisfe.

Ezekyel 16:41

Zot pou met dife dan ou bann lakaz. Zot pou egzekit kondannasyon dapre zizman kont ou dan prezans en lafoul fanm. Mon pou met en lafen avek ou lavi prostitisyon, e dezormen, ou ava osi aret donn larzan ou bann galan.

Ezekyel 23:19

Me i ti'n tonm pli ba ankor dan son prostitisyon, parey i ti fer Lezip, pandan son lazenes.

Ezekyel 23:44

Akoz bann zonm ti'n al kot li parey zot, al kot en prostitye. Zot ti al kot Ohola ek Oholiba, bann fanm ki anmenn en lavi imoral.

Ezekyel 23:5

Ohola ti vin en prostitye dan menm letan ki i ti pour mwan. I ti tonm anmoure avek son bann vwazen bann solda Asiriyen e zot ti vin galan.

Oze 2:5

Annefe, zot manman i en prostitye. Sa enn ki'n met zot omonn, i kouver avek laont. I ti dir: Mon pou swiv mon bann galan ki donn mwan mon manze ek mon delo, mon lalenn ek mon latwal linenn, mon delwil ek mon diven.

Oze 3:3

Mon ti dir li, “Ou ava reste kot mwan pandan lontan. Pa al vann ou lekor ankor, pa donn ou lekor okenn zonm. Mwan osi, mon ava reste parey ou.”

Oze 4:15

Izrael, ou'n tonm dan prostitisyon, pourvi ki Zida pa tonm dan menm fot. Pa bezwen al Gilgal, pa mont Bet-Aven, e pa pronons en serman pour dir: Par SENYER ki vivan.

Levitik 20:10

Si en zonm i komet adilter avek fanm son prosen, tou le de, sa zonm adilter ek sa fanm adilter, ava ganny touye.

Levitik 21:9

Ler fiy en pret i dezonor li dan prostitisyon, i pe dezonor son papa. I ava ganny brile vivan.

Romen 14:22

Ou konviksyon ki ou annan, gard li pour ou menm, devan Bondye. Byennere sa enn ki pa santi li koupab ler i azir dapre son prop disernman!

Deterononm 24:16

Bann paran pa pou ganny touye dan plas zot zanfan, ni zanfan dan plas zot paran. En dimoun ava ganny touye zis pour son prop krim ki i'n komet.

Ziz 19:2

Me sa fanm ti tronp li. I ti kit li e retourn kot son papa, ki ti reste Betlehenm dan Zida, kot i ti reste pandan kat mwan.