Zenez 37:8 - Labib An Kreol Seselwa

⁸ Son bann frer ti dir li, “Eski ou pou vreman vin nou lerwa? Oubyen, eski vreman ou pou annan dominasyon lo nou?” Zot ti deteste li plis ankor akoz son bann rev e mannyer i ti rakont zot.

Zenez 37:8 ပူးပေါင်းရင်းမြစ်များ

Zenez 27:41

Ezai ti ay Zakob akoz sa benediksyon ki i ti'n gannyen avek son papa. I ti dir dan li menm, “Bann zour mon papa, pe fini. Apre, mon pou touy mon frer, Zakob.”

Zenez 37:4

Kan son bann frer ti remarke ki zot papa ti kontan Zozef plis ki zot, zot ti ay li; zot pa ti kapab koz byen avek li.

Zenez 37:9

Zozef ti ganny en lot rev ki i ti rakont son bann frer, “Mon'n ganny en lot rev: Soley, lalin ek 11 zetwal ti pe prosternen devan mwan.”

Zenez 42:10

Zot ti reponn li, “Non, mon senyer, ou bann serviter in zis vin aste manze.

Zenez 44:18

Zida ti apros kot Zozef. I ti dir li: Mon senyer, silvouple, les ou serviter dir ou en parol; pa ankoler avek ou serviter, ou osi enportan ki Faraon.

Zenez 49:26

Zozef! Benediksyon ou papa pou depas byenfe bann montanny lantikite. Benediksyon ki depas larises bann vye kolin ava repoz lo ou latet. Zozef, sa enn ki'n ganny met apar parmi son bann frer.

Zenez 50:18

Son bann frer zot menm, ti vini e tonm ater devan li an pleran. Zot ti dir li, “Aksepte nou koman ou bann serviter.”

Psonm 118:22

Ros ki bann konstrikter ti rezete, in vin ros prensipal dan fondasyon.

Egzod 2:14

Sa zonm ti reponn, “Lekel ki'n apwent ou sef e ziz lo nou? Eski ou annan lentansyon touy mwan parey ou ti touy sa Ezipsyen?” Moiz ti per; i ti dir dan li menm: Dimoun in konnen sa ki mon'n fer.

Levanzil dapre Lik 19:14

Me bann sitwayen ti deteste li. Zot ti anvoy en delegasyon deryer li pour dir: Nou pa oule sa zonm koman nou lerwa.

Levanzil dapre Lik 20:17

Me Zezi ti get zot. I ti demande, “Alor ki savedir sa pasaz kot i'n ekri: Sa menm ros ki bann travayer ti rezete, in vin ros prensipal dan fondasyon.

Akt de Zapot 7:35

Sa Moiz ki bann Izraelit ti rezete, kan zot ti dir li: Lekel ki'n etabli ou koman sef e ziz? Bondye ti anvoy li koman sef e liberater, par lentermedyer sa lanz ki ti aparet avek li dan sa zarbis.

Deterononm 33:16

Avek bann meyer fri ki later i kapab prodwir. Faver sa enn ki aparet dan zarbis, ava repoz lo latet Zozef, lo fron sa enn ki'n ganny swazir parmi son bann frer.

Ebre 10:29

Alor, mazinen ki pou arive, avek sa enn ki mepriz Garson Bondye, ki konsider disan lalyans Bondye ki'n pirifye li, koman en keksoz san valer, e ki ensilte Lespri ki donn lagras! Pinisyon ki i merite pou sertennman pli sever.

1 Samyel 10:27

Me ti annan en bann voryen ki ti dir: Sanmenm sa zonm ki pou sov nou? Zot ti mepriz li e zot pa ti donn li okenn prezan. Me i ti reste trankil.

1 Samyel 17:28

Eliab, son gran frer, ki ti'n antann li koz avek sa bann zonm, ti ankoler kont David. I ti dir, “Akfer ou'n desann isi? Avek ki ou'n les ou pti troupo dan dezer? Mon konn byen ou larogans e ou move leker. Ou'n desann isi pour vin get lager.”

1 Samyel 18:8

Sail ti tre ankoler. Sa ki zot ti pe dir pa ti fer li plezir. I ti dir, “Zot in donn David bann dizenn mil, me pour mwan, zot in donn mwan zis bann mil. I mank li zis larwayote.”