Zenez 37:7 - Labib An Kreol Seselwa

⁷ Nou ti pe anmar pake dible dan plantasyon, e mon pake ti lev drwat debout. Me zot pake ti rasanble otour sa ki pour mwan e tonm ater devan li.”

Zenez 37:7 ပူးပေါင်းရင်းမြစ်များ

Zenez 27:29

Bann pep ava servi ou, e bann nasyon ava prostern devan ou. Ou ava domin lo ou bann frer, e bann garson ou manman ava azenou devan ou. Sa enn ki modi ou, pou ganny modi; sa enn ki beni ou, pou ganny beni!

Zenez 37:6

I ti dir zot, “Ekout mon rev:

Zenez 42:6

Koman gouverner Lezip, Zozef ti vann dible avek tou dimoun. Kan zot ti arive, bann frer Zozef ti prostern devan li.

Zenez 42:9

Zozef ti rapel son bann rev lo zot size. I ti dir zot, “Zot bann espyon; zot in vin war bann pwen feb dan nou pei.”

Zenez 43:26

Kan Zozef ti ariv se li, zot ti donn li kado ki zot ti'n anmenn dan lakaz, e zot ti prosternen devan li lafas ater.

Zenez 43:28

Zot ti reponn, “Ou serviter, nou papa i byen e i ankor vivan.” Zot ti bese e prosternen.

Zenez 44:14

Kan Zida ek son bann frer ti ariv kot lakaz Zozef, i ti ankor la. Zot ti tonm ater devan li.

Zenez 44:18

Zida ti apros kot Zozef. I ti dir li: Mon senyer, silvouple, les ou serviter dir ou en parol; pa ankoler avek ou serviter, ou osi enportan ki Faraon.

Zenez 44:19

Mon senyer, ou ti demann nou: Eski zot annan en papa oubyen en frer?

Zenez 50:18

Son bann frer zot menm, ti vini e tonm ater devan li an pleran. Zot ti dir li, “Aksepte nou koman ou bann serviter.”

Filipyen 2:10

Alor, devan non Zezi, ki tou sa ki dan lesyel, lo later e dan lemonn pli ba ki later, zot tonm azenou

Kolosyen 1:18

I latet sa lekor, ki son Legliz; li menm konmansman, lene parmi bann ki'n resisite, pour li vin premye dan tou keksoz.