Zenez 37:4 - Labib An Kreol Seselwa

⁴ Kan son bann frer ti remarke ki zot papa ti kontan Zozef plis ki zot, zot ti ay li; zot pa ti kapab koz byen avek li.

Zenez 37:4 ပူးပေါင်းရင်းမြစ်များ

Zenez 27:41

Ezai ti ay Zakob akoz sa benediksyon ki i ti'n gannyen avek son papa. I ti dir dan li menm, “Bann zour mon papa, pe fini. Apre, mon pou touy mon frer, Zakob.”

Zenez 37:11

Son bann frer ti zalou li, me son papa ti gard sa rev dan son lespri.

Zenez 37:5

En zour, Zozef ti ganny en rev, e kan i ti rakont son bann frer sa rev, zot ti deteste li plis ankor.

Zenez 4:5

Me i pa ti aksepte Kaen ek son lofrann. Alor, Kaen ti tre ankoler e i ti boude.

Zenez 49:23

Zot in atak li avek lans e zot in fatig li. Bann tirer fles pou atak li,

Psonm 38:19

Mon bann lennmi, zot byen portan e for; en kantite parmi zot pe ay mwan san rezon.

Psonm 69:4

Sa bann ki ay mwan san okenn rezon, zot pli bokou ki seve lo mon latet; en kantite zot i oule detri mwan; mon bann lennmi i oule detri mwan avek zot fo lakizasyon. Eski fodre mon rann sa ki mon pa'n vole?

Zeremi 12:6

Annefe, menm bann manm ou prop fanmir in trai ou. Zot in fer konplo kont ou. Pa fer zot konfyans, menm ler zot vin anmyel ou avek bann zoli parol.

Mark 3:25

Si en fanmir i divize kont li menm, i pa pou kapab tenir.

Let Pol pour bann Tit 3:3

Annefe, nou osi, dan lepase, nou ti bet, rebel e dan lerer. Nou ti lesklav toudsort kalite pasyon ek plezir. Nou ti pe viv dan mesanste e dan lanvi; dimoun ti ay nou e nou ti ay kanmarad.

1 Zan 2:11

Sa enn ki deteste son frer, i dan fernwanr; i pe mars dan fernwanr. I pa konnen kote i pe ale, akoz fernwanr in rann li aveg.

1 Zan 3:10

La sa ki fer diferans ant zanfan Bondye ek zanfan dyab: Sa enn ki pa pratik lazistis, oubyen ki pa kontan son frer, i pa en zanfan Bondye.

1 Zan 3:12

Annou pa fer parey Kaen. I ti zanfan dyab e i ti touy son frer. Pour ki rezon i ti touy li? Akoz son bann aksyon ti move, e bann aksyon son frer ti zis.

1 Zan 4:20

Si en dimoun i dir: Mon kontan Bondye me i deteste son frer, i en manter. Annefe, si en dimoun i deteste son frer ki i war, i pa kapab kontan Bondye ki i pa war.

1 Samyel 17:28

Eliab, son gran frer, ki ti'n antann li koz avek sa bann zonm, ti ankoler kont David. I ti dir, “Akfer ou'n desann isi? Avek ki ou'n les ou pti troupo dan dezer? Mon konn byen ou larogans e ou move leker. Ou'n desann isi pour vin get lager.”