Zenez 37:27 - Labib An Kreol Seselwa

²⁷ Annou vann li avek bann Ismaelit e annou pa sali nou lanmen avek son disan. Apre tou, i nou prop laser.” Son bann frer ti ekout li.

Zenez 37:27 ပူးပေါင်းရင်းမြစ်များ

Matye 16:26

Ki pou profit en dimoun, si i ganny lemonn antye, me i perdi son lavi? Oubyen ki i kapab donnen an lesanz pour son lavi?

Zenez 42:21

Zot ti dir ant zot: I vre nou koupab konsernan nou frer. Nou ti war son soufrans kan i ti sipliy avek nou, me nou pa ti ekout li. La aprezan sa maler in tonm lo nou.

1 Samyel 18:17

Sail ti dir David, “Mon ava donn ou Merab, mon lene fiy pour vin ou fanm, si ou servi mwan e al lager pour SENYER koman en brav gerye. Sail ti pe dir dan li menm: Les li, bann Filisten ava touy li. Konmsa, mon pa ava bezwen touy li, mwan menm.”

Revelasyon 18:13

kannel, lezot zepis, parfen, lamir, lansan, diven, delwil, lafarin ek dible, bef ek mouton, seval ek kales, lesklav e menm bann trafik imen.

1 Timote 1:10

pour dimoun ki viv dan limoralite, bann omoseksyel, bann ki fer trafik lesklav, bann manter, bann ki fer fo serman e bann ki fer toudsort keksoz kontrer avek prensip ek lansennyman kretyen.

Matye 26:15

I ti demann zot, “Ki zot pou donn mwan si mon livre zot Zezi?” Zot ti pey li 30 pyes larzan.

Nehemi 5:8

Mon ti dir zot, “Nou'n fer tou nou posib pour reaste nou bann frer Zwif ki ti'n ganny vann koman lesklav avek lezot nasyon; aprezan, zot, zot pe vann zot bann frer avek nou, bann Zwif!” Zot ti napa nanryen pour dir. Zot ti reste trankil san dir en mo.

2 Samyel 12:9

Akoz ou'n mepriz parol SENYER, e fer sa ki i pa kontan? Ou'n touy Iri sa Hitit par lepe; ou'n pran son fanm pour fer li vin ou fanm; ou'n aranze pour fer bann Amonit touy Iri par lepe.

Egzod 21:21

Me si sa lesklav i viv pour en zour oubyen de, i pa pou ganny vanze, akoz sa zonm ti pour li.

Egzod 21:16

Sa enn ki vol en dimoun, ki i vann li, oubyen i gard li dan son posesyon, sa zonm ava ganny touye.

Zenez 37:22

Riben ti dir zot, “Pa bezwen vers disan. Zet li dan enn sa bann pwi, me pa bezwen fer li ditor.” I ti dir sa pour li delivre Zozef e retourn li kot son papa.

Zenez 29:14

Alor, Laban ti dir li, “Ou vreman mon lezo e mon laser!” Zakob ti reste pandan en mwan kot Laban.

Zenez 50:20

Zot ti oule fer mwan ditor, me Bondye in transform tousala an byen. Konmsa, i'n sov lavi bokou dimoun parey zot war ozordi.

Nehemi 5:5

Pourtan, nou tou nou imen e nou menm ras; nou zanfan i parey zot zanfan. Sepandan, nou pe fors nou bann garson ek nou bann fiy pour vin lesklav, e plizyer nou bann fiy i deza dan lesklavaz; nou napa okenn resours akoz nou bann plantasyon i dan lanmen lezot dimoun.