Zenez 36:7 - Labib An Kreol Seselwa

⁷ Annefe, zot ti annan tro bokou byen pour zot reste ansanm. Sa rezyon kot zot ti pe reste, pa ti kapab nouri zot troupo.

Zenez 36:7 ပူးပေါင်းရင်းမြစ်များ

Zenez 13:11

Lot ti swazir vale Zourden; i ti al ver Les. Alor, zot ti separe avek kanmarad.

Zenez 13:6

Sa rezyon pa ti prodwir ase pour kapab siport zot de. Akoz zot ti annan tro bokou byen, zot ti nepli kapab reste ansanm.

Zenez 17:8

Mon pou donn ou ek ou desandans apre ou, sa pei ki ou pe okipe koman en etranze. Pei Kanaan antye pou vin zot posesyon pour touzour; e mon pou vin zot Bondye.”

Zenez 28:4

I ava akord ou ek ou desandans benediksyon ki i ti donn Abrahanm, pour ou pran posesyon pei kot ou reste, ki Bondye ti donn Abrahanm!”

1 Kronik 29:15

Parey nou bann zanset, nou en bann etranze e bann pasaze devan ou. Nou lavi lo later i parey en lonbraz e napa okenn lespwar.

Psonm 39:12

SENYER! Ekout mon lapriyer. Mon kriy ou. Ekout mwan! Pa reste endiferan devan mon larm. Mon en pasan kot ou; en etranze parey tou mon bann zanset.

Zeremi 35:7

Zot pa pou fer okenn lakaz, ni senmen, ni plant rezen, ni vin propriyeter en plantasyon rezen. Tou zot lavi, zot ava reste anba latant. Konmsa, zot ava kapab viv lontan dan sa pei kot zot pe reste parey bann etranze.

Ebre 11:9

Par lafwa, i ti viv koman en etranze dan sa pei ki i ti'n ganny promet. I ti reste anba latant avek Izaak ek Zakob, bann zeritye menm promes.