Zenez 36:6 - Labib An Kreol Seselwa

⁶ Ezai ti pran son bann fanm, son bann garson, son bann fiy, tou manm son fanmir, son troupo bef, tou son bann troupo zannimo, ek tou bann byen ki i ti'n gannyen dan Kanaan. Apre, i ti al dan en pei lwen avek son frer, Zakob.

Zenez 36:6 ပူးပေါင်းရင်းမြစ်များ

Zenez 12:5

I ti anmenn avek li Sarai son fanm ek Lot son neve. I ti pran tou son posesyon ek tou bann lesklav ki i ti annan e i ti al dan direksyon Kanaan.

Zenez 13:11

Lot ti swazir vale Zourden; i ti al ver Les. Alor, zot ti separe avek kanmarad.

Zenez 13:6

Sa rezyon pa ti prodwir ase pour kapab siport zot de. Akoz zot ti annan tro bokou byen, zot ti nepli kapab reste ansanm.

Zenez 17:8

Mon pou donn ou ek ou desandans apre ou, sa pei ki ou pe okipe koman en etranze. Pei Kanaan antye pou vin zot posesyon pour touzour; e mon pou vin zot Bondye.”

Zenez 25:23

SENYER ti reponn li: I annan de nasyon dan ou vant, ou pou donn nesans de nasyon. Enn pou pli for ki lot, e sa enn ki pli gran pou servi sa enn ki pli pti.

Zenez 28:4

I ava akord ou ek ou desandans benediksyon ki i ti donn Abrahanm, pour ou pran posesyon pei kot ou reste, ki Bondye ti donn Abrahanm!”

Zenez 32:3

Zakob ti anvoy son bann mesaze par devan li kot son frer Ezai, dan pei Seir, pei Edonm,

Zenez 36:5

Oholibama ti ganny Yeous, Yalanm, ek Kora. Sa ti bann garson Ezai ki ti ne dan pei Kanaan.

Ezekyel 27:13

Menm Lagres, Toubal ek Mesek ti fer komers avek ou; zot ti fourni ou lesklav ek bann lobze an bronz kont ou marsandiz.

Revelasyon 18:13

kannel, lezot zepis, parfen, lamir, lansan, diven, delwil, lafarin ek dible, bef ek mouton, seval ek kales, lesklav e menm bann trafik imen.