Zenez 35:3 - Labib An Kreol Seselwa

³ Apre, annou leve e al Betel, pour mwan kapab fer en lotel pour Bondye ki ti ekout mwan kan mon ti dan detres e ki'n avek mwan partou kot mon'n ale.”

Zenez 35:3 ပူးပေါင်းရင်းမြစ်များ

Zenez 28:15

Mon pou avek ou, mon pou protez ou e fer ou retourn isi. Mon pa pou kit ou ziska ki mon'n fer sa ki mon'n promet ou.”

Zenez 31:3

Alor, SENYER ti dir Zakob, “Retourn dan pei ou zanset, dan pei kot ou sorti e mon ava avek ou.”

Zenez 31:42

Si Bondye mon papa Abrahanm, ki osi Bondye Izaak, pa ti lo mon kote, sirman ou ti pou fer mwan al lanmen vid. Bondye in war mon soufrans e travay ki mon'n fer. Yer swar in rann zizman dan mon faver.”

Zenez 32:24

Zakob ti reste tousel. En zonm ti lite avek li ziska granmaten.

Zenez 32:7

Zakob ti per e enkyet. I ti diviz bann dimoun ki ti avek li. I ti osi diviz bann troupo e bann samo an de group.

Zenez 35:4

Alor, zot ti donn Zakob tou zot bann bondye etranze ki zot ti annan, e tou bann zanno ki ti dan zot zorey. Zakob ti anter zot anba pye dibwa sakre pre Sikenm.

Zenez 35:7

La, i ti konstri en lotel, e i ti apel sa landrwa El-Betel, akoz ti la ki Bondye ti'n revel li avek Zakob, kan i ti pe sov son frer.

Zenez 48:15

Apre, i ti beni Zozef: Bondye, ki mon papa Abrahanm ek Izaak ti servi, Bondye ki'n mon berze pandan tou sa letan ziska ozordi!

Psonm 107:6

Dan zot detres, zot ti kriy ver SENYER e i ti delivre zot dan zot langwas.

Psonm 107:8

Remersye SENYER pour son fidelite; pour bann mervey ki i'n fer an faver limanite!

Psonm 46:1

Bondye i pour nou en labri e en sekour. I touzour avek nou dan letan maler.

Psonm 50:15

Apel mwan zour ou dan maler; mon ava delivre ou e ou ava sant mon laglwar.

Psonm 91:15

Kan i ava kriy ver mwan, mon pou reponn li. Dan son maler, mon pou la avek li; mon pou sov li e fer li loner.

Proverb 3:6

Rekonnet li dan tou sa ki ou antreprann e i ava gid ou lo ou semen.

Ezai 30:19

Zot, pep Siyon! Zot, bann zabitan Zerizalenm! Zot pou nepli plere. Koman ou kriy ver li, i pou sertennman montre ou son labonte. I pou antann ou, i pou reponn ou.

Ezai 43:2

Si ou travers lanmer, mon pou avek ou; si ou travers bann gran larivyer, ou pa pou ganny trennen. Si ou mars atraver dife, ou pa pou ganny brile, e bann laflanm pa pou fer ou dimal,

1 Samyel 10:3

Apre, ou ava kontiny ou semen e ariv Tabor, kot sa gro pye terebent. La, ou ava zwenn trwa zonm ki pe mont ver Betel kot sanktyer Bondye. Enn pe anmenn trwa pti kabri, lot pe anmenn trwa dipen, trwazyenm pe anmenn en sak diven.