Zenez 33:4 - Labib An Kreol Seselwa

⁴ Me Ezai ti taye pour al zwenn li. I ti may li dan son likou, anbras li e zot ti plere.

Zenez 33:4 ပူးပေါင်းရင်းမြစ်များ

Zenez 29:11

I ti anbras Rasel e konmans plere.

Zenez 29:13

Kan Laban ti antann koz lo Zakob, garson son ser, i ti depese pour vin rankontre li. I ti may li, anbras li e anmenn li se li. Zakob ti rakont Laban tou sa ki ti'n arive.

Zenez 32:11

Delivre mwan, mon sipliy ou, dan lanmen mon frer Ezai, akoz mon per li. Mon per ki vin atak mwan, e touy bann manman avek zot zanfan.

Zenez 32:28

I ti dir li, “Ou pou nepli apel Zakob, me Izrael, akoz ou'n lite kont Bondye e kont zonm, e ou'n ganny laviktwar.”

Zenez 43:30

Zozef pa ti kapab tenir, son leker ti gro; i ti anvi plere; i ti sorti deswit. I ti al dan son lasanm prive kot i ti plere.

Zenez 43:34

Zozef ti fer servi zot porsyon manze ki sorti lo son latab. Porsyon ki Benzamen ti gannyen ti senk fwa plis ki pour lezot. Alor, zot ti bwar diven avek li ziska zot ti soule.

Zenez 45:2

I ti konmans plere byen for. Bann Ezipsyen ek tou bann serviter dan lakaz Faraon ti antann li plere.

Zenez 46:29

Zozef ti prepar son kales e mont Gosenn pour al rankontre son papa Izrael. De ki zot ti zwenn, i ti may li e plere pour en bon pe letan.

2 Samyel 14:33

Zoab ti al kot lerwa; i ti dir li tousala. Lerwa ti fer apel Absalon ki ti prezant li devan lerwa e prosternen avek son figir kont later. Lerwa ti anbras Absalon.

Nehemi 1:11

O SENYER! Ekout mon lapriyer e siplikasyon ou bann serviter ki pran plezir pour onor ou non. Fer ou serviter reisi ozordi e fer li ganny faver sa zonm.” Sa lepok mon ti responsab labwason lerwa.

Liv Zob 2:12

Zot ti war li dan lwen, me zot pa ti rekonnet li. Alor, zot ti plere asodlarm. Zot ti desir zot lenz e anvoy lapousyer anler par lao zot latet.

Psonm 34:4

Mon ti apel SENYER e i ti reponn mwan. In delivre mwan dan tou mon lafreyer.

Proverb 16:7

Kan SENYER i kontan avek mannyer fer en zonm, i rekonsilye son prop lennmi avek li.

Proverb 21:1

Leker lerwa i en pti larivyer dan lanmen SENYER. I diriz li partou kot i oule.

Levanzil dapre Lik 15:20

Alor, i ti leve e retourn kot son papa. I ti ankor ase lwen avek lakour, kan son papa ti war li. Son leker ti touse avek konpasyon. I ti taye, ser son garson dan son lebra e anbras li.

Akt de Zapot 20:37

Tou dimoun ti plere, ser Pol dan zot lebra e anbras li, pou dir li adye.

1 Samyel 20:41

Ler sa pti garson ti'n ale, David ti leve kot i ti pe kasyet, tonm lafas ater, e prostern trwa fwa. David ek Zonatan ti anbras kanmarad e plere, ziska ki David ti kapab kontrol li.