Zenez 30:43 - Labib An Kreol Seselwa

⁴³ Dan sa fason, Zakob ti vin ris. I ti annan bann gran troupo, bokou serviter ek servant, e bokou samo ek bourik.

Zenez 30:43 ပူးပေါင်းရင်းမြစ်များ

Zenez 12:16

Akoz Sarai, zot ti byen tret Abranm. Zot ti donn li mouton, kabri, bef, serviter ek servant, bourik ek samo.

Zenez 13:2

Abranm ti en zonm tre ris. I ti annan bokou troupo zannimo, ensi ki larzan ek lor.

Zenez 24:35

SENYER in donn mon met bokou benediksyon e i'n vin en dimoun enportan. SENYER in donn li bokou troupo zannimo, larzan, lor, serviter, servant, samo, ek bourik.

Zenez 28:15

Mon pou avek ou, mon pou protez ou e fer ou retourn isi. Mon pa pou kit ou ziska ki mon'n fer sa ki mon'n promet ou.”

Zenez 30:30

Avan mon ti vini, ou ti napa bokou. Depi ki mon la, ou'n ganny en kantite par mon lanmen. SENYER in beni ou. Kan eski mon pou travay pour mon prop fanmir?”

Zenez 30:42

Me i pa ti fer konmsa devan bann ki pli feb. Alor, bann pli feb ti al pour Laban, e bann pli for ti vin pour Zakob.

Zenez 31:1

Zakob ti antann konversasyon bann garson Laban. Zot ti pe dir: Zakob in pran tou sa ki pour nou papa. Se avek byen nou papa ki i'n ganny tou son larises.

Zenez 31:42

Si Bondye mon papa Abrahanm, ki osi Bondye Izaak, pa ti lo mon kote, sirman ou ti pou fer mwan al lanmen vid. Bondye in war mon soufrans e travay ki mon'n fer. Yer swar in rann zizman dan mon faver.”

Zenez 32:10

Mon pa vo sa fidelite e tou sa lwayote ki ou'n montre pour ou serviter. Mon ti annan zis mon baton kan mon ti travers larivyer Zourden. La aprezan, mon retourn avek de group.

Zenez 32:14

200 femel kabri ek 20 kabri mal, 200 femel mouton ek 20 mouton mal,

Zenez 32:5

Mon annan bourik, bef, troupo, serviter, ek servant. Mon'n anvoy bann mesaze pour ou aksepte mwan.”

Zenez 33:11

Aksepte, mon ensiste ki ou pran kado ki mon'n donn ou, akoz Bondye in sitan bon anver mwan e akoz mon annan ase.” Zakob ti fors li e i ti aksepte.

Zenez 36:7

Annefe, zot ti annan tro bokou byen pour zot reste ansanm. Sa rezyon kot zot ti pe reste, pa ti kapab nouri zot troupo.

Eklezyas 2:7

Mon ti aste bokou lesklav, zonm ek fanm; zot zanfan in ne lanmenm; mon ti annan bokou serviter. Mon ti posed bokou zannimo, bef ek mouton, plis ki tou dimoun ki ti reste Zerizalenm avan mwan.

Ezekyel 39:10

Zot pa pou bezwen al anmas dibwa dan lakanpanny, ni koup pye dibwa dan lafore, akoz zot bann zarm ava ase pour gard sa dife alimen. Zot pou pran avek bann ki'n vol zot. Zot pou depouy bann ki'n depouy zot. Senyer BONDYE ki deklare.

Levanzil dapre Lik 12:45

Me si sa serviter i dir dan li menm: Mon met i pran lontan pour li retournen; e si i konmans bat lezot serviter ek servant, manze e bwar ziska i sou,