Zenez 3:8 - Labib An Kreol Seselwa

⁸ Dan pti labrin, zot ti antann SENYER Bondye pe pronmnen dan zarden. Zot ti al kasyet parmi bann pye dibwa pour li pa war zot.

Zenez 3:8 ပူးပေါင်းရင်းမြစ်များ

Zenez 18:33

Apre ki i ti'n fini koz avek Abrahanm, SENYER ti kontiny son semen; Abrahanm ti retourn kot li.

Zenez 3:10

Sa zonm ti reponn, “Mon ti antann ou dan zarden, mon ti per, akoz mon ti touni. Alor, mon'n al kasyet.”

Liv Zob 22:14

Ler i pronmnen dan lesyel, bann gro nyaz i anpes li war.

Liv Zob 31:33

Si mon ti kasyet mon pese parey lezot i fer, e kasyet zot dan mon leker,

Liv Zob 38:1

Apre sa, dan en tanpet, SENYER ti reponn Zob:

Proverb 15:3

Lizye SENYER i partou; i obzerv dimoun bon koman move.

Zeremi 23:24

Personn pa kapab zwe avek mwan ki mon pa pou war li. Eski ou pa konnen ki mon partou dan lesyel e lo later? SENYER i deklare.

Oze 10:8

Bann landrwa sakre Aven, la kot Izrael in fer pese, pou ganny detri. Rons ek pikan pou pous lo zot bann lotel. Zot pou dir avek montanny: Kouver nou! Avek kolin: Tonm lo nou!

Levitik 26:12

Mon pou mars parmi zot; mon pou vin zot Bondye e zot ava vin mon pep.

Zonas 1:3

Me Zonas ti sove pour li al Tarsis, lwen devan prezans SENYER. I ti desann Zafa e pran en bato ki ti pe al Tarsis. I ti pey son pasaz e anbark lo bato avek lekipaz pour al Tarsis, lwen avek prezans SENYER.

Romen 2:15

Par zot konportman, zot montre ki lalwa in ekri dan zot leker. Zot konsyans i montre ki sa i vre, e zot lespri osi i akiz zot kan zot fer sa ki mal e defann zot kan zot fer sa ki byen.

Deterononm 23:14

Akoz SENYER, ou Bondye i avek ou dan kan pour li protez ou e donn ou laviktwar lo ou bann lennmi, ou kan i devret en landrwa sen, pour ki SENYER pa war nanryen ki fer onte parmi zot e vir son ledo kont ou.

Deterononm 4:33

Eski en pep in deza antann lavwa Bondye dan milye dife, parey ou ti tande e reste vivan?

Deterononm 5:25

Akoz fodre ki nou mor aprezan? Annefe, sa gran dife i kapab devor nou. Si nou kontinyen antann lavwa SENYER, nou Bondye, nou pou mor.

Ebre 4:13

Napa nanryen dan kreasyon ki kapab reste kasyet devan Bondye. Kreasyon antye i ekspoze devan lizye sa enn avek ki nou bezwen rann kont.

Revelasyon 6:15

Alor, bann lerwa later, bann gran dimoun enportan, bann sef militer, bann ris, bann ki annan pouvwar, e tou dimoun, lesklav ek zonm lib, zot tou, zot ti al kasyet dan kavern ek bann kap ros dan montanny.