Zenez 3:6 - Labib An Kreol Seselwa

⁶ Sa fanm ti war ki fri sa pye dibwa ti zoli e bon pour manze. I ti donn li lanvi manze pour li ganny konnesans. I ti pran enn e i ti manze. I ti donn osi en morso son mari ki ti obor li, e i ti manze.

Zenez 3:6 ပူးပေါင်းရင်းမြစ်များ

Zenez 3:12

Sa zonm ti reponn, “Sa fanm ki ou'n donn mwan koman konpanny, ki'n donn mwan sa fri e mon'n manze.”

Zenez 3:17

Avek Adan i ti dir, “Akoz ou'n ekout ou fanm, ou'n manz fri sa pye dibwa ki mon ti defann ou manze, later pou ganny modi, akoz ou. Ou pou bezwen trimouse tou le zour ou lavi antye pour ou fer li prodwir manze.

Zenez 39:7

Apre en serten letan, fanm Potifar ti konmans zet en regar lo Zozef. I ti dir li, “Vin dormi avek mwan.”

Zenez 6:2

bann garson bondye ti war ki bann fiy zonm ti atiran. Alor, zot ti swazir zot koman zot fanm.

2 Samyel 11:2

En zour, tar apremidi, David ti leve apre ki i ti'n fini repoze, e i ti pe pronmnen lo twa son pale. Depi la, i ti apersevwar en fanm pe bennyen; sa fanm ti tre zoli.

1 Rwa 13:19

Alor, i ti retourn avek sa profet. I ti manze e bwar delo kot li.

Liv Zob 31:1

Mon ti'n fer en promes avek mon lizye: Pour pa regard en zenn fiy avek dezir.

Ezekyel 24:16

Ou ki en imen, ekoute! Mon pou pran avek en sel kou, sa enn ki donn ou lazwa. Me ou, fodre pa ki ou fer lanterman, ni plere, ni vers larm pour li.

Ezekyel 24:21

Dir pep Izrael: La sa ki Senyer BONDYE i deklare: Mon pou profann mon sanktyer ki fer lafyerte ou lafors, ki donn ou plezir e satisfer dezir ou leker. Ou bann garson ek ou bann fiy ki ou'n kit deryer pou ganny masakre.

Ezekyel 24:25

Ekoute, ou ki en imen: Sa zour, mon pou pran sa ki fer zot lafors, zot lazwa, zot lafyerte, zot plezir e satisfer dezir zot leker. Mon pou osi pran zot bann garson ek zot fiy.

Oze 6:7

Parey zot ti fer dan pei Adan, zot pa'n respekte mon lalyans; zot pa'n reste fidel anver mwan.

Matye 5:28

Me mwan mon dir zot: En dimoun ki get en fanm avek lanvi, i'n deza komet adilter avek li dan son leker.

1 Timote 2:14

Pa Adan ki ti ganny tronpe, me fanm ki ti ganny tronpe e ganny trouve koupab pour dezobei lord Bondye.

Zozye 7:21

Mon ti war parmi bann piyaz lager, en manto sorti Sinear, de kilo larzan ek en lengo lor ki ti pez en demi kilo, mon ti anvi; alor, mon'n pran. Mon'n anter dan mon latant; larzan i dan fon.”

1 Zan 2:16

Tou sa ki dan lemonn: Move dezir natir imen, lanvi posed sa ki nou war ek lorgey dan lavi tou le zour; tousala pa sorti kot nou Papa, me i sorti dan lemonn.

Ziz 14:17

Pandan sa set zour festen, i pa ti arete plere avek li. I ti pe telman tourmant li ki son setyenm zour, i ti eksplik li. Alor, i ti al eksplik sa zedmo avek son bann zanmi.