Zenez 3:5 - Labib An Kreol Seselwa

⁵ Bondye i konnen ki letan zot pou manz sa fri, zot lizye pou ouver, zot pou vin parey Bondye, e zot pou konn lebyen ek lemal.”

Zenez 3:5 ပူးပေါင်းရင်းမြစ်များ

Zenez 2:17

me fodre pa ki ou manz fri sa pye ki donn konnesans lebyen ek lemal, akoz zour ki ou manz sa fri, ou pou mor.

Zenez 2:9

SENYER Bondye ti fer pouse tou kalite zoli pye dibwa; zot fri ti bon pour manze. Dan milye zarden, i ti plas pye dibwa ki donn lavi e pye dibwa ki donn konnesans lebyen ek lemal.

Zenez 3:10

Sa zonm ti reponn, “Mon ti antann ou dan zarden, mon ti per, akoz mon ti touni. Alor, mon'n al kasyet.”

Zenez 3:22

Apre, SENYER Bondye ti dir, “Zonm in vin parey nou avek konnesans lebyen ek lemal. Fodre anpes li manz fri sa pye dibwa ki donn lavi, sankwa i pou viv pour touzour.”

Zenez 3:7

Zot lizye ti ouver, e zot ti remarke ki zot ti touni. Zot ti koud fey fig ansanm pour kouver zot.

1 Rwa 22:6

Lerwa Izrael ti rasanble anviron 400 profet. I ti dir zot, “Eski mon kapab al atak Ramot-Galaad oubyen non?” Zot ti reponn, “Ale! SENYER pou livre lavil dan lanmen lerwa.”

2 Kronik 32:15

Aprezan, pa les Ezekyas tronp zot e anmenn zot dan move semen. Pa krwar li! Napa okenn bondye parmi sa bann nasyon ki'n kapab delivre son pep dan mon lanmen, ni dan lanmen mon bann zanset. Alor, pa krwar ki zot bann bondye pou kapab delivre zot dan mon lanmen.

Psonm 12:4

Nou konn koze, nou pli for; personn pa fer nou per.

Egzod 20:7

Ou pa pou pronons non SENYER ou Bondye an bonnavini. Annefe SENYER pa pou pardonn sa enn ki pronons son non an bonnavini.

Egzod 5:2

Faraon ti dir, “Lekel li sa SENYER pour ki mon devre ekoute e les pep Izrael ale? Mon pa konn sa SENYER. Mon pa pou les pep Izrael ale.”

Ezai 14:14

Mon pou mont lo latet nyaz; mon pou vin parey Bondye Treo.

Ezekyel 13:22

Par zot mansonz, zot dekouraz bon dimoun, kan mwan mon pa'n fer li, e zot in ankouraz bann malfeter dan zot mesanste e anpes zot kit zot move konportman. Alor, permet zot viv.

Ezekyel 28:12

Ou ki en imen, sant en kantik dey lo lerwa Tir. Dir li: La sa ki Senyer BONDYE i deklare: Ou ti sa model laperfeksyon, ranpli avek lasazes, avek en labote parfe.

Ezekyel 28:2

Ou ki en imen, dir lerwa Tir: La sa ki Senyer BONDYE i deklare: Akoz lorgey in ranpli ou leker e ou'n dir: Mon en bondye; mon pe asiz lo son tronn lo milye lanmer. Me, ou pa bondye, ou zis en et imen. Ou konsider ou egal avek en bondye.

Ezekyel 28:9

Eski devan bann ki pe touy ou, ou pou kontinyen dir: Mon en bondye, menm si ou pa bondye, me zis en imen dan lanmen bann ki pe touy ou?

Ezekyel 29:3

Dir li: La sa ki Senyer BONDYE i deklare: Mon kont ou, Faraon, lerwa Lezip. Ou parey sa gran krokodil ki dormi dan milye larivyer. I dir: Sa i mon Nil, mon larivyer, mon'n fer li pour mwan.

Danyel 4:30

I ti dir: La sa gran Babilonn ki mon'n konstri pour mon rezidans! Mon'n fer li par mon lafors, par mon pwisans, pour mon loner e mon laglwar!

Danyel 6:7

Tou bann sef ou rwayonm, bann administrater, bann gouverner, bann konseye, ek bann zofisye, in tonm dakor pour pibliy sa lord: Okenn dimoun, ki pandan 30 zour, i adres lapriyer anver okenn lot bondye oubyen et imen, apard ou, Mazeste, ava ganny zete dan kavern lyon.

Matye 6:23

Me si ou lizye i malad, ou lekor antye pou dan fernwanr. Alor, si lalimyer ki dan ou, i parey fernwanr, ou pou vreman dan en gran fernwanr.

Akt de Zapot 26:18

Mon pe anvoy ou pour ouver zot lizye, pour fer zot sorti dan fernwanr e tourn ver lalimyer, kit pouvwar Satan e retourn kot Bondye; pour ki par zot lafwa dan mwan, zot ava ganny pardon zot pese e ganny en plas parmi pep Bondye.”

2 Korentyen 11:3

Me mon per ki, parey Ev ti ganny tronpe par riz serpan, zot les zot lespri egare lwen avek senserite ek lapirte ki zot devre annan anver Kris.

2 Korentyen 4:4

Pour bann ki pa krwar, bondye sa lemonn in avegle zot lentelizans; i'n anpes zot war lalimyer Bonn Nouvel mazeste Kris, ki resanblans Bondye li menm.

2 Tesalonisyen 2:4

Li menm sa lennmi ki pou kont tou sa ki zonm i adore, e ki'n ganny konsakre pour Bondye. I pou menm enstal li dan Tanp Bondye e fer li pas pour Bondye.

Revelasyon 13:14

Par sa bann mirak ki i ti'n ganny pouvwar fer dan prezans sa premye bebet, i ti tronp bann zabitan later. I ti demann zot fer en stati sa bebet ki ti'n ganny blese par lepe e ki'n reviv.

Revelasyon 13:4

Tou dimoun ti ador sa dragon, akoz i ti'n donn son pouvwar sa bebet. Zot ti azenou devan sa bebet. Zot ti dir: Lekel ki parey sa bebet? Lekel ki kapab lager kont li?

Ziz 3:2

sa ti zis pou ki bann zenerasyon Izraelit i konnen e aprann kisisa lager, omwen pour sa bann ki pa ti'n ankor fer sa leksperyans: