Zenez 3:17 - Labib An Kreol Seselwa

¹⁷ Avek Adan i ti dir, “Akoz ou'n ekout ou fanm, ou'n manz fri sa pye dibwa ki mon ti defann ou manze, later pou ganny modi, akoz ou. Ou pou bezwen trimouse tou le zour ou lavi antye pour ou fer li prodwir manze.

Zenez 3:17 ပူးပေါင်းရင်းမြစ်များ

Zenez 3:11

SENYER Bondye ti demande, “Lekel ki'n dir ki ou touni? Eski ou'n manz sa fri pye dibwa ki mon ti defann zot manze?”

Zenez 3:18

I pou prodwir rons ek pikan e ou ava manz bann plant ki pous dan laplenn.

Zenez 3:6

Sa fanm ti war ki fri sa pye dibwa ti zoli e bon pour manze. I ti donn li lanvi manze pour li ganny konnesans. I ti pran enn e i ti manze. I ti donn osi en morso son mari ki ti obor li, e i ti manze.

Zenez 5:29

I ti apel li Noe. I ti dir: I pou en konsolasyon pour nou dan nou travay ek fatig lo sa later modi.

Zenez 8:21

Loder son sakrifis ti fer plezir SENYER ki ti dir dan li menm: Mon pa pou zanmen modi later ankor akoz bann et imen. I vre ki depi son lazenes, leker zonm i move. Zanmen ankor mon pou detri bann vivan parey mon'n fer.

Liv Zob 14:1

Lavi en imen, en zanfan ki en fanm in met omonn, i kourt e ranpli avek traka.

Liv Zob 21:17

Eski i ariv souvan ki lalanp bann malfeter i tennyen? Konbyen fwa maler i tonm lo zot? Eski dan son lakoler, Bondye i fer zot soufer?

Psonm 127:2

I pa vo lapenn lev granmaten e al dormi tar. Ou fatige travay pour ganny manze! SENYER i donn otan son bann zanmi kan zot dan zot sonmey.

Eklezyas 2:11

Alor, mon ti konsider tou sa ki mon'n akonpli, travay dir ki mon'n realize avek bokou lapenn: Tousala i vanite, konmsi mon pe tay deryer divan. I pa vreman anmenn okenn lavantaz anba soley.

Eklezyas 2:17

Alor, mon deteste lavi; pour mwan, tou sa ki ganny realize anba soley i move, tousala i vanite; i zis konmsi ou pe tay deryer divan.

Eklezyas 5:17

I'n pas tou son letan dan fernwanr, dan bokou traka, bokou soufrans ek fristrasyon.

Matye 22:12

Lerwa ti dir li: Zanmi! Koman ou'n kapab antre isi san met en lenz lafet? Me sa zonm ti reste labous fermen.

Matye 25:45

Lerwa pou reponn zot: Mon dir zot, sa i laverite: Sak fwa ki zot ti refize ed enn sa bann pli pti parmi mon bann frer, se mwan ki zot ti refize.

Levanzil dapre Lik 19:22

Lerwa ti dir li: Ou move serviter! Mon pou ziz ou par ou prop parol! Ou ti konnen ki mon en zonm sever, ki mon pran sa ki pa pour mwan, e rekolte sa ki mon pa'n senmen.

Levanzil dapre Zan 16:33

Mon'n dir zot tousala pour ki zot ganny lape e reste ini avek mwan. Dan lemonn, zot bezwen soufer. Me pran kouraz. Mwan, mon'n ranport laviktwar lo lemonn.”

Romen 3:19

Nou konnen ki tou sa ki Lalwa i dir, i dir pour sa bann ki viv anba lalwa. Konmsa, personn pa kapab ouver labous pour eskiz li, e lemonn antye ava ganny rekonnet koupab devan Bondye.

Ebre 6:8

Me si i prodwi zis zarbis pikan ek move zerb, sa later pa vo nanryen. I pou ganny modi par Bondye a ganny detri par dife.