Zenez 3:15 - Labib An Kreol Seselwa

¹⁵ Mon pou met ostilite ant ou e sa fanm, ant ou desandans ek son desandans: I pou kraz ou latet e ou pou mord son talon.

Zenez 3:15 ပူးပေါင်းရင်းမြစ်များ

Zenez 49:17

Dann pou parey en serpan dan santye, en viper lo semen, ki mord talon seval e fer tonbe son kavalye.

Psonm 132:11

SENYER in fer sa serman avek David; en serman ki i pa pou sanze: Mon pou met enn ou bann zanfan lo ou tronn.

Ezai 53:12

Pour sa rezon ki mon pou donn li en par avek bann gran. I ava ganny en parti larises bann lennmi. I'n depouy li ziska lanmor e i ti'n ganny plase parmi bann bandi. Sepandan, i'n pran lo li pese en kantite dimoun e pled pour bann kriminel.

Ezai 7:14

Alor, SENYER li menm pou donn zot en siny: En zenn fiy i ansent e i pou met omonn en garson. I pou apel li Emanouel. Savedir: Bondye avek nou.

Zeremi 31:22

Fiy rebel! Pandan konbyen letan ou pou ankor ezite? SENYER in kre en keksoz nouvo lo later: Fanm ki pou fer lakour avek zonm.

Danyel 9:26

Apre sa 62 semenn, sa enn ki'n resevwar lonksyon pou ganny detri, san personn pour defann li. Sef en larme ki pou vini, pou detri lavil ek sanktyer, me i pou ganny detri, e lager pou kontinyen ziska lafen; pou annan gran destriksyon.

Amos 9:3

Si zot al kasyet lo montanny Karmel, mon pou al rod zot e atrap zot. Si zot esey al kasyet dan fon lanmer, mon pou ordonn serpan lanmer pour mord zot.

Mise 5:3

Pour sa rezon, Bondye pou abandonn zot, ziska letan ki akouse dan douler. Alor, leres son bann frer ava retournen pour zwenn avek pep Izrael.

Matye 1:23

En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.

Matye 1:25

Me i pa ti ganny okenn relasyon avek li, ziska ki i ti donn nesans en garson ki Zozef ti apel Zezi.

Matye 12:34

Ras serpan ki zot ete! Ki mannyer zot pou kapab dir bon keksoz, kan zot menm, zot move? Annefe, labous i dir sa ki deborde dan leker.

Matye 13:38

Sa zarden se lemonn. Bon lagrenn i reprezant pep ki fer parti Rwayonm; move zerb i reprezant zanfan dyab.

Matye 23:33

Zot bann serpan, ras viper! Ki mannyer zot ekspekte sap kondannasyon lanfer?

Matye 3:7

Zan ti war ki en kantite Farizyen ek Sadiseen ti vin kot li pour zot ganny batize. Alor, i ti dir zot, “Ras viper ki zot ete! Lekel ki'n aprann zot esey sap zizman Bondye ki pros?

Mark 16:18

Si zot atrap serpan; si zot bwar en pwazon, sa pa pou fer zot okenn dimal. Zot pou poz zot lanmen lo bann malad e bann malad pou geri.”

Levanzil dapre Lik 1:76

Kanta ou, mon zanfan, ou pou ganny apele profet Bondye Treo. Annefe, ou pou mars devan Senyer pour prepar son semen,

Levanzil dapre Lik 10:19

Mon'n donn zot lotorite pour kraz serpan ek skorpyon e tou pouvwar lo lennmi. Nanryen pa pou kapab fer zot ditor.

Levanzil dapre Lik 22:53

Tou le zour mon ti avek zot dan Tanp, me personn pa ti aret mwan. Me aprezan, zot ler in arive; sa i ler ki pwisans lemal i azir dan lannwit.”

Levanzil dapre Lik 24:27

Alor, konmansan par Moiz ek tou bann profet, Zezi ti eksplik zot sa ki Lekritir in dir lo son size.

Levanzil dapre Zan 8:44

Zot, dyab ki zot papa, e se dezir zot papa ki zot oule realize. Depi o konmansman i en kriminel, i pa'n zanmen kontan laverite, akoz napa laverite dan li. Kan i koz manti, i koz dapre son natir, akoz i manter e papa tou mansonz.

Akt de Zapot 13:10

I ti dir li, “Ou piti dyab, lennmi tou sa ki byen, ranpli avek riz ek malis! Kan eski ou pou arete fos laverite ek plan Senyer?

Romen 16:20

Bondye, ki donn lape, ava byento kraz Satan anba zot lipye. Lagras nou Senyer Zezi ava avek zot tou.

Romen 3:13

Zot lagorz i koman en latonm ouver. Zot servi zot lalang pour tronpe. Sa ki sorti ant zot lalev, i en venen serpan.

Galat 4:4

Me, kan letan fikse ti'n arive, Bondye ti anvoy son prop Garson ki ti ne koman en et imen, anba soumisyon Lalwa.

Efezyen 4:8

Parey Lekritir i deklare: Kan i ti mont lao, i ti anmenn avek li bann prizonnyen. I ti ofer zonm kado lo later.

Kolosyen 2:15

Bondye in debaras li avek pouvwar bann lotorite ek pwisans bann lespri. In fer en spektak piblik avek zot dan laviktwar son Garson.

Ebre 2:18

Annefe, li menm i'n soufer, e i'n ganny tante. Alor, aprezan i kapab ed tou bann ki ganny tante.

Ebre 5:7

Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.

1 Zan 3:10

La sa ki fer diferans ant zanfan Bondye ek zanfan dyab: Sa enn ki pa pratik lazistis, oubyen ki pa kontan son frer, i pa en zanfan Bondye.

1 Zan 3:8

Sa enn ki kontinyen fer pese i pour dyab, akoz dyab in fer pese depi o konmansman! Rezon akoz Garson Bondye in vini, se pour detri bann travay dyab.

1 Zan 5:5

Lekel sa enn ki ganny laviktwar lo lemonn? Sa enn ki krwar ki Zezi i Garson Bondye.

Revelasyon 12:17

Alor, dragon ti ankoler avek sa fanm. I ti ale pour fer lager kont leres desandans sa fanm, kont tou sa bann ki obei komannman Bondye e ki reste fidel avek temwannyaz Zezi.

Revelasyon 13:7

I ti ganny permisyon fer lager kont pep Bondye e ganny laviktwar lo zot. I ti ganny pouvwar lo tou tribi, pep, lalang ek tou nasyon.

Revelasyon 2:10

Pa per pour sa ki ou pou soufer. Dyab pou byento zet serten parmi zot dan prizon, pour teste zot. Zot pou bezwen soufer pandan dis zour. Me reste fidel ziska lanmor, e mon ava donn ou kouronn lavi.

Revelasyon 20:10

Dyab ki ti pe tronp zot, ti ganny zete dan lak dife avek souf, kot sa bebet ek son profet mansonz ti ete. Zot pou ganny tourmante lizour koman aswar e pour touzour.