Zenez 3:1 - Labib An Kreol Seselwa

¹ Serpan ti pli rize parmi tou bann zannimo sovaz ki SENYER Bondye ti'n kree. I ti demann sa fanm, “Eski Bondye in vreman dir: Ou pa devre manz tou bann fri lo bann pye ki dan zarden?”

Zenez 3:1 ပူးပေါင်းရင်းမြစ်များ

Eklezyas 4:10

Si enn i tonbe, lot ava lev li. Maler pour sa enn ki tousel; ler i tonbe napa personn pour lev li.

Ezai 27:1

Sa zour, avek son gran lepe byen fite, dir e pwisan, SENYER pou entervenir kont Leviatan, sa serpan ki anvole; Leviatan, sa serpan rize. I pou touy sa dragon ki reste dan lanmer.

Matye 10:16

Mon pe anvoy zot parey bann mouton parmi bann loulou. Alor, zot bezwen rize parey bann serpan e inosan parey bann pizon.

Matye 4:3

Dyab ti vin tant Zezi. I ti dir li, “Si ou Garson Bondye, donn lord ki sa bann ros i vin dipen.”

Matye 4:6

Dyab ti dir li, “Si ou Garson Bondye, zet ou anba. Annefe, i'n ekri: Bondye pou donn lord son bann lanz lo ou size: Zot pou anmenn ou lo zot lanmen, pangar ou konny ou lipye avek en ros.”

Matye 4:9

Dyab ti dir li, “Mon pou donn ou tousala, si ou met ou azenou e ador mwan.”

2 Korentyen 11:14

Sa pa etonan, akoz Satan li menm i degiz li koman lanz lalimyer.

2 Korentyen 11:3

Me mon per ki, parey Ev ti ganny tronpe par riz serpan, zot les zot lespri egare lwen avek senserite ek lapirte ki zot devre annan anver Kris.

1 Pyer 3:7

Zot osi bann mari! Dan lakour, viv dan larmoni sakenn avek son fanm. Tenir kont zot natir ki pli frazil. Tret zot avek respe, akoz zot osi, zot pou resevwar ansanm avek zot, sa kado vre lavi ki sorti kot Bondye. Si zot azir konmsa, zot lapriyer pa pou rankontre okenn lobstak.

Revelasyon 12:15

Alor, sa serpan ti vomi delo parey en gran larivyer, deryer sa fanm, pour li ganny trennen.

Revelasyon 12:9

Sa gran dragon, ti ganny zet deor. Li menm li sa serpan lantikite, ki apel dyab oubyen Satan, e ki tronp lemonn antye. I ti ganny zete lo later ansanm avek son bann lanz.

Revelasyon 20:2

I ti sezi sa dragon, sa serpan lantikite, setadir dyab oubyen Satan. I ti ansenn li pour 1,000 an.