Zenez 28:18 - Labib An Kreol Seselwa

¹⁸ Zakob ti leve granmaten; i ti pran sa ros ki i ti'n dormi lo la e met li debout koman en pilye sakre. I ti vers delwil lo la.

Zenez 28:18 ပူးပေါင်းရင်းမြစ်များ

Zenez 21:14

Alor, Abrahanm ti leve granmaten, pran dipen ek en sak lapo, ranpli li avek delo e donn Agar. I ti met son garson lo son ledo e fer li ale. Agar ti marse egare atraver dezer ver Berseba.

Zenez 22:3

Lannmen, Abrahanm ti lev granmaten, prepar son bourik, e pran de serviter ek son garson Izaak, avek dibwa pour sakrifis. I ti pran semen pour al dan sa landrwa ki Bondye ti'n endik li.

Zenez 28:11

I ti ariv dan en serten landrwa kot i ti pas lannwit, akoz soley ti'n deza kouse. I ti pran en ros koman zorye e dormi dan sa landrwa.

Zenez 31:13

Mwan menm Bondye ki ti aparet avek ou Betel, kot ou ti vers delwil lo sa ros pilye sakre e kot ou ti fer en ve anver mwan. Aprezan leve! Kit sa pei e retourn dan pei kot ou ti ne.”

Zenez 31:45

Zakob ti pran en ros e plas li koman en pilye sakre.

Zenez 35:14

Zakob ti etabli en ros pilye dan sa landrwa kot Bondye ti'n koz avek li. I ti vers en lofrann labwason lo la, e vers delwil osi.

Zenez 35:20

Zakob ti plas en ros pilye lo son latonm. Se sa ros pilye ki mark latonm Rasel, ziska ozordi.

2 Samyel 18:18

Pandan son vivan, Absalon ti'n fer enstal en moniman pour li, ki trouv dan vale Lerwa. Annefe, i ti pe dir: Mon napa okenn garson pour gard mon non. Alor, i ti donn son non sa moniman, e ziska ozordi i ankor apel moniman Absalon.

Psonm 119:60

Mon depese, mon pa ezite pour obeir ou komannman.

Eklezyas 9:10

Tou sa ki ou lanmen i kapab fer, fer li avek ou prop lafors akoz pou napa ni aktivite, ni rezon, ni konnesans, ni lasazes dan lemonn lanmor, kot ou pe ale.

Ezai 19:19

Sa zour, pou annan en lotel pour SENYER dan milye pei Lezip e en kolonn pour SENYER lo son frontyer.

Nonm 7:1

Zour ki Moiz ti fini mont Latant SENYER, i ti vers delwil e konsakre tou son bann istansil; i ti osi konsakre lotel avek tou son bann istansil.

Zozye 4:9

Zozye ti osi fer dres 12 ros e met zot dan milye larivyer Zourden, kot bann pret ki ti anmenn Kof lalyans ti'n debout. Sa bann ros i ankor la ozordi.

1 Samyel 7:12

Alor, Samyel ti pran en ros ki i ti plas ant Mispa ek Senn. I ti apel sa landrwa Eben-Ezer an dizan, “Ziska la, SENYER in sekour nou.”