Zenez 28:16 - Labib An Kreol Seselwa

¹⁶ Apre, Zakob ti leve dan son sonmey. I ti dir dan li menm: Sirman SENYER i prezan dan sa landrwa e mwan, mon pa ti konnen.

Zenez 28:16 ပူးပေါင်းရင်းမြစ်များ

1 Rwa 3:15

Salomon ti leve, e i ti realize ki i ti pe reve. Alor, i ti al Zerizalenm, prezant li devan Kof lalyans SENYER e ofer sakrifis konplet ek sakrifis lakominyon e i ti donn en festen pour tou son bann serviter.

Liv Zob 33:14

Bondye i koz dan en fason apre dan en lot fason; me personn pa port atansyon.

Liv Zob 9:11

I pas dan bor mwan, me mon pa war li; i disparet, mon pa remarke.

Psonm 139:7

Kote mon pou ale lwen avek ou lespri? Kote mon pou sove lwen avek ou?

Psonm 68:35

Bondye i formidab dan son sanktyer. Li, Bondye Izrael, i donn son pep pouvwar ek lafors. Loue Bondye!

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Egzod 3:4

SENYER ti war ki Moiz ti pe aprose pour war. Alor, Bondye ti apel li depi dan milye sa zarbis, “Moiz, Moiz!” I ti reponn, “La mon la.”

Egzod 3:5

Bondye ti dir li, “Pa vin pli pre. Tir ou sandal dan ou lipye, akoz landrwa kot ou pe debout i en later sen.”

Ezai 8:13

SENYER liniver ki ou pou rekonnet koman sen; sa enn pour ki ou devre annan respe; sa enn ki ou devre per.

Zeremi 31:26

Apre sa, mon ti reveye; sa sonmey ti'n fer mwan dibyen.

Nonm 12:6

I ti dir zot: Ekout byen mon parol! Ler i annan en profet parmi zot, mwan SENYER, mon revel mwan avek li dan en vizyon; mon koz avek li dan en rev.

Zozye 5:13

En zour, pandan ki Zozye ti Zeriko, i ti lev lizye e i ti war en zonm debout devan li, son lepe dan son lanmen. Zozye ti mars dan son direksyon. I ti dir li, “Eski ou pour nou, oubyen pour nou lennmi?”

Zozye 5:15

Sef larme SENYER ti dir Zozye, “Tir ou sandal dan ou lipye; kot ou pe debout i en later sen.” Zozye ti obei li.