Zenez 27:29 - Labib An Kreol Seselwa

²⁹ Bann pep ava servi ou, e bann nasyon ava prostern devan ou. Ou ava domin lo ou bann frer, e bann garson ou manman ava azenou devan ou. Sa enn ki modi ou, pou ganny modi; sa enn ki beni ou, pou ganny beni!

Zenez 27:29 ပူးပေါင်းရင်းမြစ်များ

Zenez 12:3

Mon pou beni bann ki beni ou; mon pou modi bann ki modi ou. Atraver ou, tou fanmir lo later pou ganny beni.”

Zenez 25:33

Alor, Zakob ti dir, “Fer en serman avan.” Alor i ti fer en serman avek li, e Ezai ti vann Zakob son drwa lene garson.

Zenez 27:30

De ki Izaak ti'n fini beni Zakob, apenn ki Zakob ti'n sorti kot son papa, Ezai son frer ti antre sorti lasas.

Zenez 27:37

Izaak ti reponn, “Mon'n fer li vin ou met, e tou son bann frer pou vin son serviter. Mon'n beni li avek manze ek diven. Ki mon pou kapab donn ou, mon garson?”

Zenez 27:40

Ou pou viv par ou lepe, e ou pou servi ou frer; me ou pou sape anba son kontrol.

Zenez 37:10

Kan i ti rakont sa rev avek son papa e son bann frer, son papa ti reprimann li. I ti dir li, “Ki sa kalite rev ki ou'n fer? Eski mwan avek ou manman ek ou bann frer, nou pou prosternen devan ou?”

Zenez 37:7

Nou ti pe anmar pake dible dan plantasyon, e mon pake ti lev drwat debout. Me zot pake ti rasanble otour sa ki pour mwan e tonm ater devan li.”

Zenez 9:27

Zafet ava prospere! I ava touzour reste dan latant Senm! Kanaan ava vin lesklav Zafet.

1 Rwa 22:47

Ti napa lerwa Edonm, me zis en reprezantan lerwa.

1 Rwa 4:21

Salomon ti gouvern tou bann rwayonm depi gran larivyer Efrat, pei Filisten, ziska frontyer Lezip. Lerwa sa bann rwayonm ti pey taks avek Salomon pandan tou zot lavi.

1 Kronik 5:2

Menm si Zida ti enportan parmi son bann frer e ki dan son desandans in sorti en sef, se Zozef ki ti'n ganny drwa lene garson.

Psonm 72:8

I pou gouvern depi en bout lanmer ziska lot, depi larivyer Efrat ziska dan bout later.

Ezai 45:14

La sa ki SENYER i deklare: Mendev Lezip, komers bann Nibyen e bann Sabeen, sa bann zean pou pas dan ou lanmen e pou vin ou propriyete. Zot pou swiv ou atase avek lasenn e zot ava prostern devan ou. Zot ava sipliy ou: Bondye i avek ou e napa okenn lot.

Ezai 49:23

Bann lerwa ki pou vin zot titer e bann prenses zot nouris. Zot pou prosternen devan lafas later e lis lapousyer lo ou lipye. Alor, ou ava konnen ki mwan menm SENYER. Sa bann ki met konfyans dan mwan pa pou kanmi.

Ezai 49:7

La sa ki SENYER i deklare, Sover Izrael, son Bondye ki Sen, avek sa enn ki ganny meprize, deteste par bann nasyon, lesklav bann dirizan: Ler bann lerwa ava war ou, zot ava debout e bann sef ava prosternen lafas ater. Sa pou arive akoz SENYER i fidel e Sen Izrael, in swazir ou.

Ezai 60:12

Sa nasyon ek sa rwayonm ki pa aksepte servi ou, pou ganny detri. Sa bann nasyon pou konpletman disparet.

Ezai 60:14

Desandan bann ki kraz ou pou vin kot ou, latet bese; tou sa bann ki ti mepriz ou pou prostern devan ou. Zot pou apel ou Lavil SENYER, Siyon, lavil Bondye Sen Izrael.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Nonm 23:8

Ki mannyer mon pou kapab modi sa ki SENYER pa'n modi? Ki mannyer mon pou denons sa ki SENYER pa'n denonse?

Nonm 24:18

I pou ganny laviktwar lo Edonm e pran posesyon zot teritwar. Izrael i montre son lafors.

Nonm 24:9

I alonze ater parey en lyon; i dormi parey en femel lyon. Lekel ki kapab fer li leve? Sa enn ki beni li ava ganny beni; sa enn ki modi li ava ganny modi.

Matye 25:40

Lerwa pou reponn zot: Mon dir zot, sa i laverite: Sak fwa ki zot ti fer sa, pour enn bann pli pti parmi mon bann frer, se anver mwan, ki zot ti fer li!

Matye 25:45

Lerwa pou reponn zot: Mon dir zot, sa i laverite: Sak fwa ki zot ti refize ed enn sa bann pli pti parmi mon bann frer, se mwan ki zot ti refize.

Romen 9:12

Bondye ti dir avek Rebeka,

Revelasyon 19:16

Lo son rob e lo son kwis, en non in ganny enskri: Lerwa tou bann lerwa, Senyer tou bann senyer.