Zenez 27:28 - Labib An Kreol Seselwa

²⁸ Bondye ava donn ou lapli sorti dan lesyel, larises later, manze ek diven annabondans.

Zenez 27:28 ပူးပေါင်းရင်းမြစ်များ

Zenez 27:37

Izaak ti reponn, “Mon'n fer li vin ou met, e tou son bann frer pou vin son serviter. Mon'n beni li avek manze ek diven. Ki mon pou kapab donn ou, mon garson?”

Zenez 27:39

Izaak, son papa, ti reponn: Ou pou reste lwen avek larises later, e lwen avek lapli ki sorti lao dan lesyel.

Zenez 45:18

Al sers zot papa avek tou zot fanmir, e retourn isi kot mwan. Mon ava donn zot bann meyer keksoz Lezip, e zot ava manz meyer prodwi nou pei.

Zenez 49:20

Aser pou annan manze annabondans; i pou prodwir bon manze pour lerwa.

Zenez 49:25

Par Bondye ou papa ki sekour ou, par Bondye Toupwisan, ou ava resevwar benediksyon, lapli ki sorti lao dan lesyel ek delo ki monte sorti dan profonder later. Benediksyon pour ganny bokou troupo ek bokou zanfan.

2 Samyel 1:21

Montanny Gilboa! Mon demande ki pa tonm ni laroze, ni lapli lo ou; ki ou plantasyon pa prodwir okenn legren! Lanmenm kot bann boukliye bann konbatan, ti ganny kouver avek laont. Boukliye Sail pa pou zanmen ganny frote ankor avek delwil.

1 Rwa 17:1

Eli, ki ti sorti Tisbit, enn bann zabitan Galaad, ti dir Akab, “Par SENYER Bondye Izrael ki vivan, mwan son serviter mon dir ou: Dan bann lannen ki pe vini, pou napa laroze, ni lapli ziska ler mon dir.”

1 Rwa 5:11

Lo son kote, toulezan, Salomon ti fourni Hiranm 6,000 tonn dible ek 8,000 lit delwil doliv meyer kalite, pour son pale.

2 Kronik 2:10

Mon pou fourni ou bann serviter ki koup dibwa: 6,000 tonn lafarin, 6,000 tonn lorz, 800,000 lit diven ek 800,000 lit delwil.

Psonm 104:15

Diven pour fer leker zwaye, delwil pour fer klate figir e dipen pour redonn lafors.

Psonm 133:3

I parey laroze lo montanny Hermon, ki desann lo bann kolin Siyon, la kot SENYER i donn son benediksyon, lavi pour touzour.

Psonm 36:8

Kot ou, manze i annabondans; ou fer zot bwar dan larivyer ou labonte.

Proverb 19:12

Lakoler en lerwa i parey gronnyman en zenn lyon; me son labonte i parey laroze lo zerb.

Proverb 3:20

Par son konnesans, bann rezervwar ki anba later dan lanmer, ti ouver e bann nyaz ti fer tonbe lapli.

Ezai 45:8

Lesyel! Fer tonbe lazistis parey laroze. Bann nyaz ava fer tonbe satiman parey lapli. Later! Ouver e les delivrans fleri e fer bourzonnen lazistis. Mwan SENYER ki'n kree tousala.

Zeremi 14:22

Napa enn sa bann fo bondye dan lezot nasyon ki kapab fer lapli tonbe. Lesyel li tousel pa kapab fer lapli tonbe. SENYER nou Bondye, zis dan ou, ki nou'n met nou lespwar. Ou ki'n fer tousala arive.

Zoel 2:19

SENYER ti reponn son pep: Mon pou donn zot dible, diven ek delwil ziska ki zot rasazye. Mon pa pou les zot vin en laont ankor, parmi bann nasyon.

Mise 5:7

Leres desandan Zakob, parmi bann nasyon nonbre, ava parey en laroze ki sorti kot SENYER, parey en zanbren lapli lo zerb, e ki pa depann lo okenn imen. Zot pa esper nanryen sorti kot personn.

Zakari 8:12

Annefe, mon pou senm lape; bann plantasyon rezen pou donn bon rekolt, later pou donn rekolt, lesyel pou donn lapli. Tousala, mon pou donn restan sa pep pour posesyon.

Zakari 9:17

Zot pou vreman ere! Zot pou vreman zoli! Dible ava donn lafors bann zennzan e diven nouvo bann zenn fiy.

Nonm 13:20

Gete si later i fertil oubyen pov. Si i bwaze oubyen non. Pran kouraz e anmenn en pe bann fri sa pei. Annefe, sa ti letan rekolt bann premye rapor rezen.

Nonm 18:12

Mon donn ou prodwi ki zot ofer SENYER: Meyer delwil, meyer diven ek dible.

Romen 11:17

Me si detrwa brans en pye zoliv in ganny koupe e si ou ki en brans zoliv maron, ou'n ganny grefe dan son plas, ou, non-Zwif, ou pou benefisye lasev ki mont depi rasin sa pye zoliv.

Deterononm 32:2

Mon lansennyman i tonm parey lapli, e mon bann parol i koule parey gout laroze; parey grenas lo zerb, parey bann gout delo lo gazon.

Deterononm 33:13

Pour tribi Zozef, Moiz ti dir: Son later ava ganny beni par SENYER avek bann zoli kado sorti dan lesyel ek laroze ki sorti dan profonder.

Deterononm 33:28

Konmsa, Izrael i viv an sekirite; sours Zakob i san traka dan en pei dible ek diven, kot lesyel i fer desann laroze.

Deterononm 7:13

I pou kontan ou, beni ou, fer ou vin nonbre. I pou beni ou bann zanfan e fri ou later: Ou dible, ou diven ek ou delwil. I pou beni ou bann zannimo: Zenis e bann zenn mouton, lo later ki i'n fer serman avek ou bann zanset pour li donn ou.

Ebre 11:20

Par lafwa, Izaak ti donn Zakob ek Ezai en benediksyon ki ti konsern zot lavenir.

Zozye 5:6

Annefe, pep Izrael ti'n mars pandan 40 an dan dezer, ziska ki tou sa nasyon ti'n disparet, bann gerye ki ti'n sorti Lezip ki pa ti'n ekout SENYER. SENYER ti'n fer serman ki sa bann zonm pa pou war sa pei ki i ti'n promet avek zot bann zanset pour donn nou, sa pei kot dile ek dimyel i koule.