Zenez 27:24 - Labib An Kreol Seselwa

²⁴ Izaak ti demann li, “Eski ou vreman mon garson, Ezai?” I ti reponn, “Wi, mwan menm.”

Zenez 27:24 ပူးပေါင်းရင်းမြစ်များ

Zenez 27:23

I pa ti rekonnet li akoz son lanmen ti annan pwal parey lebra son frer, Ezai. Alor i ti beni li.

Zenez 27:25

Alor i ti dir li, “Servi mwan mon garson, pour ki mon manz sa zibye, e donn ou mon benediksyon.” Zakob ti servi li e i ti manze. I ti osi anmenn diven e son papa ti bwar.

2 Samyel 14:5

Lerwa ti demann li, “Ki ou gannyen?” I ti reponn, “Mon en vev, mon mari in mor.

1 Rwa 13:18

I ti dir li, “Mwan osi mon en profet parey ou; en lanz ki ti dir mwan dapre parol SENYER: Anmenn li se ou pour ki i manz en pe e bwar en pe delo.” Me i ti pe manti avek li.

Liv Zob 15:5

Ou tor i kontrol ou labous. Ou bann parol i fourb.

Proverb 12:19

Laverite i touzour valab, me mansonz pa dir lontan.

Proverb 12:22

SENYER i deteste sa enn ki koz lalang. I kontan sa enn ki dir laverite.

Proverb 30:8

Elwanny avek mwan sa ki fo ek parol mansonz; pa donn mwan ni lanmizer, ni larises; me donn mwan zis sa ki neseser pour viv.

Zakari 8:16

La sa ki zot devre fer: Koz laverite avek ou prosen; devan tribinal, rann bann zizman korek.

Efezyen 4:25

Pour sa rezon, rezet tou mansonz! Sakenn i devre dir laverite avek son prosen, akoz nou tou, nou manm en menm lekor.

Kolosyen 3:9

Pa koz manti ant zot, akoz zot in abandonn zot vye natir avek son bann move pratik.

1 Samyel 21:13

I ti fer konmsi i fou parmi zot e fer bann ekstravagans. I ti fer bann mark lo bann batan laport e les son labav koule dan son labarb.

1 Samyel 21:2

David ti reponn pret Ahimelek, “Lerwa in donn mwan en lord: Pa dir personn sa misyon ki mon'n konfye ou, ek lord ki mon'n donn ou. Mon'n donn randevou avek mon bann zenn garson pour zwenn mwan dan tel e tel landrwa.

1 Samyel 27:10

Ler Akis ti demann David, kote i'n al fer bann latak ozordi? David ti reponn: Dan en rezyon Zida, dan Negev; oubyen: Dan en rezyon Yerameel; oubyen ankor: Dan rezyon bann Kainit.