Zenez 27:13 - Labib An Kreol Seselwa

¹³ Son manman ti dir li, “Mon ava pran sa malediksyon lo mwan. Ou, zis fer sa ki mon dir ou. Al sers sa de pti kabri pour mwan.”

Zenez 27:13 ပူးပေါင်းရင်းမြစ်များ

Zenez 25:23

SENYER ti reponn li: I annan de nasyon dan ou vant, ou pou donn nesans de nasyon. Enn pou pli for ki lot, e sa enn ki pli gran pou servi sa enn ki pli pti.

Zenez 25:33

Alor, Zakob ti dir, “Fer en serman avan.” Alor i ti fer en serman avek li, e Ezai ti vann Zakob son drwa lene garson.

Zenez 27:14

Alor, Zakob ti al sers de kabri ki i ti anmenn kot son manman. Rebeka ti prepar sa pla apetisan parey son papa ti kontan.

Zenez 27:43

Aprezan mon garson, ekout mwan. Sov kot mon frer, Laban ki reste Harann.

Zenez 27:8

Aprezan mon garson, ekout mwan byen, e fer tou sa ki mon pou dir ou.

Zenez 43:9

Mon ava responsab pour li. Si mon pa retourn avek li e met li devan ou, mon ava koupab devan ou pour sa fot pour touzour.

2 Samyel 14:9

Sa fanm Tekoit ti dir lerwa, “Mon rwa, mon fanmir avek mwan, nou pran tou responsabilite sa zafer. Fodre pa ki tor i tonm lo ou rwayonm.”

2 Kronik 22:3

Akazya ti osi swiv bann move legzanp fanmir Akab, akoz move konsey son manman.

Matye 27:25

Lafoul antye ti reponn, “Nou demande ki son disan i tonm lo nou e lo nou bann zanfan!”

1 Samyel 25:24

I ti zet li dan lipye David. I ti dir li, “Mwan ki annan tor, mon senyer! Permet mwan koz avek ou e ekout sa ki mon annan pour dir ou.