Zenez 26:22 - Labib An Kreol Seselwa

²² I ti kit la e al fouy en lot pwi e lo sa enn, ti napa lager. Alor, i ti apel li Reobot, savedir, lespas lib. I ti dir, “La aprezan SENYER in donn nou lespas lib pour nou e nou ava prospere dan sa pei.”

Zenez 26:22 ပူးပေါင်းရင်းမြစ်များ

Zenez 17:6

Mon pou fer ou ganny bokou zanfan; zot pou form bokou nasyon; parmi, i annan ki pou vin lerwa parmi ou desandans.”

Zenez 26:21

Zot ti fouy en lot pwi, e ti annan lager lo sa enn osi. I ti apel li Sitna, savedir lopozisyon.

Zenez 28:3

Bondye Toupwisan ava beni ou e donn ou bokou zanfan, pour ki ou ava vin en gran pep.

Zenez 41:52

I ti apel son dezyenm garson, Efraim. I ti dir: Bondye in fer mwan ganny zanfan dan pei mon soufrans.

Psonm 118:5

Dan mon langwas, mon ti apel SENYER. SENYER ti reponn mwan; i ti rann mwan lib.

Psonm 119:32

Mon depese swiv semen ou bann komannman, akoz ou'n ouver mon lespri.

Psonm 18:19

In tir mwan dan danze, in liber mwan; in sov mwan, akoz i kontan mwan.

Psonm 4:1

Mon Bondye ki zis! Reponn mwan ler mon kriy ver ou. Soulaz mwan ler mon dan detres. Pran pitye pour mwan, ekout mon lapriyer.

Egzod 1:7

Bann Izraelit ti annan bokou zanfan. Zot ti ranpli Lezip e vin deplizanpli tre for.

Ezai 54:2

Agrandi lespas ou latant, fer rido ou lakaz pli larz; pa ezite pour ou fer li; redi byen bann lakord ou latant; anter byen son bann pike!

Ezai 54:3

Annefe, ou pou grandi dan tou direksyon: Adrwat, agos e ou bann desandan pou pran posesyon teritwar bann nasyon vwazen e zot ava peple bann lavil abandonnen.