Zenez 25:23 - Labib An Kreol Seselwa

²³ SENYER ti reponn li: I annan de nasyon dan ou vant, ou pou donn nesans de nasyon. Enn pou pli for ki lot, e sa enn ki pli gran pou servi sa enn ki pli pti.

Zenez 25:23 ပူးပေါင်းရင်းမြစ်များ

Zenez 17:16

Mon pou beni li, e mon pou osi donn ou en garson atraver li. Mon pou beni li, e i pou vin manman en bann nasyon. Bann lerwa bokou pep pou sorti parmi son desandans.”

Zenez 17:4

“La mon lalyans ki mon'n etabli avek ou: Ou pou vin papa en kantite nasyon.

Zenez 24:60

Ou, nou ser, ou ava vin manman en kantite desandans. Ou desandans ava pran bann lavil zot bann lennmi!

Zenez 25:24

Kan letan lakousman ti arive, Rebeka ti ganny zimo.

Zenez 25:27

Sa de garson ti grandi, Ezai ti vin en bon saser, en zonm ki ti pas letan dan lakanpanny, tandis ki Zakob ti en zonm trankil ki ti reste dan latant.

Zenez 27:29

Bann pep ava servi ou, e bann nasyon ava prostern devan ou. Ou ava domin lo ou bann frer, e bann garson ou manman ava azenou devan ou. Sa enn ki modi ou, pou ganny modi; sa enn ki beni ou, pou ganny beni!

Zenez 27:33

Izaak ti ganny en sezisman. I ti dir, “Lekel ki'n fer lasas e anmenn en pla kot mwan avan ou? Mon'n manz tou e apre mon'n beni li? Wi, in ganny mon benediksyon.”

Zenez 27:37

Izaak ti reponn, “Mon'n fer li vin ou met, e tou son bann frer pou vin son serviter. Mon'n beni li avek manze ek diven. Ki mon pou kapab donn ou, mon garson?”

Zenez 27:40

Ou pou viv par ou lepe, e ou pou servi ou frer; me ou pou sape anba son kontrol.

Zenez 32:6

Bann mesaze ti retourn kot Zakob. Zot ti dir li, “Nou sorti kot ou frer Ezai. I pe vin zwenn ou avek 400 zonm.”

Zenez 33:3

Zakob ti al par devan e i ti prosternen set fwa ziska ki i ti ariv pre avek son frer.

Zenez 36:31

La bann lerwa ki ti renny dan pei Edonm, avan ki okenn lerwa ti renny lo bann Izraelit:

Zenez 48:19

Me son papa ti refize. I ti dir, “Mon konnen mon garson. Li osi i pou vin en pep e i pou vin gran. Son pti frer pou vin pli gran ki li e son desandans pou vin en gran nasyon.”

2 Samyel 8:14

I ti etabli son solda dan pei Edonm, atraver Edonm antye i ti plas bann solda, e tou bann zabitan Edonm ti soumet anba kontrol David. SENYER ti donn David laviktwar partou kot i ti ale.

1 Rwa 22:47

Ti napa lerwa Edonm, me zis en reprezantan lerwa.

1 Kronik 18:13

I ti plas bann gerye dan pei Edonm e fer tou bann Edomit vin serviter David. SENYER ti donn laviktwar David partou.

Abdyas 1:21

Bann liberater i mont montanny Siyon pour ziz montanny Edonm; SENYER ki pou rennyen lo sa rwayonm.

Nonm 20:14

Depi Kades, Moiz ti anvoy bann mesaze kot lerwa Edonm pour dir li: La sa ki ou bann frer Izrael i dir: Ou'n antann tou mizer ek difikilte ki nou'n pas ladan.

Deterononm 2:4

Donn lepep sa lord: Zot pou pas pre avek teritwar desandan zot frer Ezai ki reste Seir. Sa bann zans pou per zot. Alor, fer byen atansyon.

Deterononm 2:8

Alor, nou ti evit nou bann fanmir pros, bann desandan Ezai ki viv dan montanny Seir; nou ti evite pas par semen Araba ki sorti Eilat ek Esyonn-Geber. Nou ti sanz direksyon e retourn par dezer Moab.

1 Samyel 17:14

David ti pli zenn.