Zenez 25:18 - Labib An Kreol Seselwa

¹⁸ Bann Ismaelit ti reste dan rezyon ant Havila ek Sour, pre avek Lezip, dan direksyon Asiri, lwen avek tou leres zot bann frer.

Zenez 25:18 ပူးပေါင်းရင်းမြစ်များ

Zenez 10:29

Ofir, Havila, Yobab: Zot tou, zot bann garson Yoktann.

Zenez 10:7

Bann garson Kous: Seba, Havila, Sabta, Rama ek Sabteka. Bann garson Rama: Saba ek Dedann.

Zenez 13:10

Lot ti lev lizye, e i ti war vale Zourden kot ti annan bokou delo. Avan ki SENYER ti detri Sodonm ek Gomor sa landrwa ziska ver Soar, ti parey zarden SENYER, parey Lezip.

Zenez 14:10

Ti annan en kantite pwi goudron dan vale Sidim e kan bann lerwa Sodonm ek Gomor ti pe sove, zot ti tonm dan sa bann pwi. Bann sirvivan ti sov dan montanny.

Zenez 16:12

I pou vin parey en bourik sovaz. I pou lager kont tou zonm e tou zonm pou lager kont li. I pou viv tousel, lwen avek lezot son bann frer.”

Zenez 16:7

Lanz SENYER ti trouv li obor en sours delo dan dezer lo semen Sour.

Zenez 2:11

Premye larivyer ki ti apel Pisonn ti koul otour pei Havila, kot ti annan lor.

Zenez 20:1

Abrahanm ti kit sa landrwa e i ti al dan direksyon dezer Negev. I ti etabli li ant Kades ek Sour. Apre en pe letan, i ti al reste Gerar.

Zenez 21:14

Alor, Abrahanm ti leve granmaten, pran dipen ek en sak lapo, ranpli li avek delo e donn Agar. I ti met son garson lo son ledo e fer li ale. Agar ti marse egare atraver dezer ver Berseba.

Zenez 21:21

I ti reste dan dezer Parann. Son manman ti rod en fanm Ezipsyen pour li.

2 Rwa 23:29

Dan son lepok, Faraon Neko, lerwa Lezip, ti al lager kont lerwa Asiri dan direksyon larivyer Efrat. Lerwa Zozyas ti sorti kont li; me koman i ti war li, faraon Neko ti touy li Megido.

1 Kronik 1:23

Ofir, Havila, ek Yobab. Sa ti bann garson Yoktann.

Psonm 78:64

Bann pret ti ganny masakre; bann vev pa ti kapab fer tande zot lamantasyon.

Egzod 15:22

Apre, Moiz ti fer pep Izrael kit lanmer Rouz; zot ti al dan direksyon dezer Sour. Zot ti mars pandan trwa zour dan dezer e zot pa ti war okenn delo.

Ezekyel 23:23

Mon pou fer vin kont ou bann Babilonyen, tou bann Kaldeen, bann zabitan Pekod, Soa ek Koa, ansanm avek tou bann Asiriyen; zot tou, bann zenn zonm galan, bann gouverner ek ziz, bann gerye lo seval.

1 Samyel 15:7

Sail ti ganny laviktwar lo bann Amalesit depi Havila ziska Sour ki dan Les Lezip.