Zenez 24:31 - Labib An Kreol Seselwa

³¹ I ti dir li: Vini, antre, ou ki Bondye in beni! Akoz ou reste deor? Mon'n prepar lakaz pour ou e en plas pour ou bann samo.

Zenez 24:31 ပူးပေါင်းရင်းမြစ်များ

Zenez 18:3

I ti dir, “Mon Senyer, silvouple fer mwan plezir, pa ale san aret kot mwan, ou serviter.

Zenez 19:2

I ti dir, “Mon bann senyer, mon sipliy zot, aksepte pour vin kot mwan, zot serviter. Zot ava lav zot lipye e pas lannwit. Apre, zot ava lev granmaten e kontiny zot semen.” Zot ti reponn, “Non, nou pou pas lannwit deor.”

Zenez 19:3

Me Lot ti telman ensiste ki zot ti aksepte al kot li e i ti fer en repa pour zot. I ti kwi dipen san lelven e zot ti manze.

Zenez 24:30

Kan i ti war sa bag ek brasle lo pwannyen son ser e kan i ti antann son ser rakont tou sa ki sa zonm ti'n dir, i ti al kot sa zonm ti ete avek son samo kot pwi.

Zenez 26:29

Promet par serman, ki ou pa pou fer nou ditor, parey nou pa'n fer ou okenn ditor. Me nou'n fer ou zis dibyen e nou'n les ou al anpe. Aprezan, SENYER in beni ou.”

Zenez 29:13

Kan Laban ti antann koz lo Zakob, garson son ser, i ti depese pour vin rankontre li. I ti may li, anbras li e anmenn li se li. Zakob ti rakont Laban tou sa ki ti'n arive.

Psonm 115:15

SENYER ki'n fer lesyel ek later ava beni zot.

Proverb 17:8

En kado i parey en pyer presyez pour sa enn ki donnen; i krwar ki i pou ouver tou laport.

Proverb 18:16

Ofer en kado i ouver bann laport; i permet rankontre dimoun enportan.

Ziz 17:2

I ti dir son manman, “Ler en dimoun ti vol ou sa 1,100 pyes larzan, ou ti modi li devan mwan; mwan ki ti pran sa larzan.” Alor, son manman ti dir, “SENYER ava beni ou, mon garson!”

Rit 3:10

Boaz ti dir, “SENYER ava beni ou, mon fiy! Ou'n demontre en gran fidelite anver fanmir ou belmer, menm plis ki avan. Ou pa'n al rod bann zennzan, ki swa ris oubyen pov.