Zenez 24:10 - Labib An Kreol Seselwa

¹⁰ Sa serviter ti pran dis samo parmi bann samo son met. I ti pran osi bann meyer kado ki son met ti posede. I ti al an Mezopotami, dan lavil Nahor.

Zenez 24:10 ပူးပေါင်းရင်းမြစ်များ

Zenez 11:26

Tera ti annan 70 an; i ti ganny trwa garson, Abranm, Nahor ek Harann.

Zenez 11:29

Abranm ti marye avek Sarai e Nahor ti marye avek Milka, fiy Harann ki ti osi papa Yiska.

Zenez 11:31

Tera ti pran son garson Abranm, son pti zanfan Lot, garson Harann, son belfiy Sarai, fanm Abranm. Ansanm, zot ti kit Our, dan pei bann Kaldeen, pour al Kanaan. Zot ti ariv ziska Harann kot zot ti etabli zot.

Zenez 11:32

Tera ti mor la, Harann, aze 205 an.

Zenez 22:20

Plitar, Abrahanm ti ganny dir: Ou frer Nahor i'n ganny sa bann zanfan avek Milka:

Zenez 24:2

I ti dir avek son serviter pli ansyen dan son lakaz, ki ti ansarz tou son byen, “Met ou lanmen anba mon kwis.

Zenez 24:22

Kan bann samo ti'n fini bwar, i ti donn sa fiy en bag annor ki ti pez apepre 6 granm e met de brasle annor ki ti pez apepre 100 granm sak, pour met lo son pwannyen.

Zenez 24:53

I ti prezant Rebeka bann bizou larzan ek lor, avek bann lenz. I ti osi donn son frer ek son manman bann kado ser.

Zenez 27:43

Aprezan mon garson, ekout mwan. Sov kot mon frer, Laban ki reste Harann.

Zenez 29:1

Zakob ti kontiny son vwayaz dan direksyon bann pei Les.

Zenez 29:2

I ti war en pwi dan laplenn; trwa troupo mouton ti pe repoze obor. Dan sa pwi ki bann troupo ti ganny delo. En gro ros ti kouver sa pwi.

1 Kronik 19:6

Kan bann Amonit ti realize ki zot ti'n fer en keksoz onte vizavi David, Hanoun ek bann Amonit ti anvoy 30 tonn larzan, bann kales lager avek son kavalye sorti dan rezyon Mezopotami, Maaka ek Soba.

Akt de Zapot 2:9

I annan parmi nou ki sorti dan pei Part, Medi ek Elanm. I annan ki sorti Mezopotami, Zide ek Kapados; i annan ki sorti Pon ek provens Lazi.

Deterononm 23:4

Annefe, zot pa ti vin rankontre zot lo semen avek dipen ek delo, kan zot ti pe sorti Lezip; osi akoz zot ti pey Balaanm garson Beor, sorti Petor dan Aranm an Mezopotami pour li modi zot.