Zenez 23:2 - Labib An Kreol Seselwa

² I ti mor Kiryat-Arba, setadir Hebron, dan pei Kanaan. Abrahanm ti pler lanmor son fanm, Sara.

Zenez 23:2 ပူးပေါင်းရင်းမြစ်များ

Zenez 13:18

Abranm ti deplas son bann latant e al etabli li obor bann gran pye dibwa sakre Manmre pre Hebron. La i ti konstri en lotel pour SENYER la.

Zenez 23:1

Sara ti viv ziska laz 127 an.

Zenez 23:19

Apre sa, Abrahanm ti anter Sara son fanm dan kavern Makpela, vizavi avek Manmre, setadir Hebron, dan pei Kanaan.

Zenez 24:67

Izaak ti anmenn Rebeka dan latant Sara, son manman. I ti pran Rebeka e kontan li koman son fanm. I ti son konsolasyon apre lanmor son manman.

Zenez 27:41

Ezai ti ay Zakob akoz sa benediksyon ki i ti'n gannyen avek son papa. I ti dir dan li menm, “Bann zour mon papa, pe fini. Apre, mon pou touy mon frer, Zakob.”

Zenez 35:27

Zakob ti vin kot son papa, Izaak, Manmre, pre Kiryat-Arba, setadir Hebron, kot Abrahanm ek Izaak ti'n reste.

Zenez 37:14

Alor i ti dir, “Al gete si ou bann frer i byen avek troupo, e retourn kot mwan.” Alor, i ti anvoy li dan vale Hebron. Zozef ti kit Hebron e i ti al Sikenm.

Zenez 50:1

Zozef ti tonm dan lebra son papa. I ti anbras li e plere.

Zenez 50:10

Kan zot ti ariv Atad, dan drwa kot i bat dible, lot kote larivyer Zourden, zot ti plere e fer en gran lamantasyon. Zozef ti pler son papa pandan set zour.

2 Samyel 1:12

Zot ti plere e zene ziska aswar pour Sail ek son garson Zonatan, e pour pep SENYER, pep Izrael, ki'n mor par lepe.

2 Samyel 1:17

David ti sant sa kantik lo Sail ek son garson Zonatan.

2 Samyel 2:11

David ti gouvern pep Zida dan Hebron pandan set an edmi.

2 Samyel 5:3

Kan tou bann ansyen dan pep Izrael ti'n vin Hebron kot lerwa David, lerwa ti fer en lalyans avek zot devan SENYER e zot ti vers delwil lo latet David koman lerwa pep Izrael antye.

2 Samyel 5:5

I ti renny set an e sis mwan Hebron koman lerwa Zida, e 33 an Zerizalenm koman lerwa pep Izrael antye.

1 Kronik 6:57

Bann garson Aaron ti ganny bann lavil pour bann refizye: Hebron, Libna, avek son bann laplenn; Yatir, Estemoa, avek son bann laplenn;

2 Kronik 35:25

Profet Zeremi ti konpoz en kantik dey lo lerwa Zozyas. Depi sa lepok ziska ozordi, tou bann santer ek santez i fer mansyon Zozyas dan zot bann kantik dey. Sa i en koutim ki'n reste dan pei Izrael. Sa bann kantik in reste dan koleksyon Lamantasyon.

Nehemi 11:25

Dan bann vilaz e dan lakanpanny, bann garson Zida ti etabli zot Kiryat-Arba e dan son bann vilaz dan zalantour; Dibonn ek bann vilaz dan zalantour; Yekabseel ek bann vilaz dan zalantour;

Zeremi 22:10

Zabitan Zida! Pa bezwen plere ni plennyen pour sa enn ki'n mor. Plere plito pour sa enn ki ale, akoz i pa pou zanmen retournen; i pa pou zanmen retourn dan pei kot i ti ne.

Zeremi 22:18

Alor, la sa ki SENYER i deklare kont Yoyakim, garson Zosyas, lerwa Zida: Personn pa pou regret son lanmor, oubyen dir: Maler pour ou, mon frer! Maler pour ou mon ser! Personn pa pou plere oubyen kriye: Maler pour mon met! Maler pour lerwa!

Nonm 13:22

Zot ti mont atraver dezer Negev dan Sid ziska Hebron, la kot Ahimann, Sesai e Talmai, desandan Anak ti reste. Hebron ti'n ganny konstri set an avan Soann, ki dan pei Lezip.

Nonm 20:29

Kan kominote Izrael ti war ki Aaron ti'n mor, pep antye ti met dey pandan 30 zour.

Levanzil dapre Zan 11:31

Kan bann Zwif ki ti pe konsol Mari kot lakour, ti war li leve e sorti vitman, zot ti swiv li. Zot ti krwar ki i ti pe al kot tonbo pour al plere.

Levanzil dapre Zan 11:35

Zezi ti plere.

Akt de Zapot 8:2

Serten zonm byen relizye ti anter Etyenn e zot ti plere lo son lanmor.

Deterononm 34:8

Bann Izraelit ti pler Moiz pandan 30 zour dan laplenn Moab. Apre, sa bann zour dey pour Moiz ti fini.

Zozye 10:39

I ti kaptir sa lavil, son lerwa ek tou bann lavil depandan. Zot ti masakre tou bann et vivan ki ti annan. I pa ti les okenn sirvivan. I ti tret Debir ek son lerwa, parey i ti'n tret Hebron, Libna ek zot lerwa.

Zozye 15:13

Parey SENYER ti'n ordonn Zozye, Kaleb, garson Yefoune ti ganny en par parmi bann fanmir tribi Zida: Kiryat-Arba setadir Hebron-Arba ti zanset bann Anakit.

Zozye 15:54

Houmeta, Kiryat-Arba, ki apel osi Hebron, Sior: An tou 9 lavil avek zot bann vilaz.

Zozye 20:7

Zot ti met apar Kedes, dan Galile, dan rezyon montanny Neftali; Sikenm, dan rezyon montanny Efraim avek Kiryat-Arba, ki apel osi Hebron, dan rezyon montanny Zida.

Zozye 21:11

Zot ti resevwar Kiryat-Arba, lavil papa Anak, setadir Hebron ki sitye dan rezyon montanny Zida, ansanm avek bann laplenn otour.

Ziz 1:10

Zida ti al atak bann Kananeen ki ti pe reste Hebron, ki avan, ti apel Kiryat-Arba. Zot ti bat Sesai, Ahimann ek Talmai.

1 Samyel 20:31

Akoz osi lontan ki garson Zese pou vivan lo later, ni ou, ni ou rwayonm pa pou an sekirite. Aprezan, anvoy rod li, e anmenn li kot mwan, akoz i merit lanmor.”

1 Samyel 25:1

Kan Samyel ti mor, pep Izrael antye ti rasanble pour plere. Zot ti anter li se li, Rama. Apre sa, David ti desann dan dezer Parann.

1 Samyel 28:3

Samyel ti'n mor, e pep Izrael antye ti plere, e zot ti'n anter li dan son lavil Rama. Sail ti'n fer disparet tou bann deviner ek bann ki envok lespri.