Zenez 23:19 - Labib An Kreol Seselwa

¹⁹ Apre sa, Abrahanm ti anter Sara son fanm dan kavern Makpela, vizavi avek Manmre, setadir Hebron, dan pei Kanaan.

Zenez 23:19 ပူးပေါင်းရင်းမြစ်များ

Zenez 23:18

Sa tranzaksyon ti ganny fer devan bann Hitit e devan tou bann ki ti'n vin kot laport lavil.

Zenez 23:20

Tou bann Hitit ti rekonnet ki sa propriyete avek son kavern, koman propriyete Abrahanm kot i pou anter son bann mor.

Zenez 3:19

Ou pou bezwen trimouse pour ganny ou nouritir ziska ki ou retourn dan lapousyer, kot ou sorti. Annefe, ou'n ganny tire dan lapousyer, ou pou retourn dan lapousyer.”

Zenez 37:14

Alor i ti dir, “Al gete si ou bann frer i byen avek troupo, e retourn kot mwan.” Alor, i ti anvoy li dan vale Hebron. Zozef ti kit Hebron e i ti al Sikenm.

Zenez 47:30

ki kan mon mor, ou pou anter mwan avek mon bann zanset. Anmenn mon lekor an deor Lezip e anter mwan dan tonbo mon bann zanset.” Zozef ti reponn, “Mon pou fer parey ou'n dir.”

Zenez 50:13

Zot ti anmenn li dan pei Kanaan e anter li dan kavern Makpela, pre avek Manmre ki Abrahanm ti'n aste avek Efronn, en Hitit, koman en landrwa pour anter son bann mor.

Zenez 50:25

Zozef ti demann bann garson Izrael fer sa promes, “Kan Bondye i fer zot sorti Lezip, anmenn mon lezo avek zot.”

Liv Zob 30:23

Mon konnen ou pe anmenn mwan ver lanmor, kot tou vivan i annan randevou.

Eklezyas 12:5

En pti monte i fer per, ou per marse lo semen; seve in vin blan parey en pye dibwa an fler; ou pou bezwen trennen parey en sotrel ki'n tonbe; tou gou lavi in disparet. Tou et imen i al ver son demer final. Deza laprosesyon lanterman pe defile lo semen.

Eklezyas 12:7

avan ki lapousyer i retourn dan later kot in ganny tire e souf lavi i retourn kot Bondye ki ti donn li.

Eklezyas 6:3

Si en zonm i ganny bokou zanfan e i viv en kantite lannen, menm si i viv lontan, me i pa profit boner lavi e ni menm annan en latonm ler i mor, mon dir ki en pti baba ki mor an nesan i pli ere ki li.