Zenez 22:3 - Labib An Kreol Seselwa

³ Lannmen, Abrahanm ti lev granmaten, prepar son bourik, e pran de serviter ek son garson Izaak, avek dibwa pour sakrifis. I ti pran semen pour al dan sa landrwa ki Bondye ti'n endik li.

Zenez 22:3 ပူးပေါင်းရင်းမြစ်များ

Zenez 17:23

Apre, Abrahanm ti pran Ismael, son garson, tou bann lesklav ki ti'n ne dan son lakour, oubyen sa ki i ti'n aste avek son larzan, tou mal dan son lakour. Sa zour, i ti sirkonsi zot tou, parey Bondye ti'n dir li.

Zenez 21:14

Alor, Abrahanm ti leve granmaten, pran dipen ek en sak lapo, ranpli li avek delo e donn Agar. I ti met son garson lo son ledo e fer li ale. Agar ti marse egare atraver dezer ver Berseba.

Zenez 22:18

Atraver ou desandans, tou nasyon lo later pou ganny beni, akoz ou'n ekout mon lavwa.”

Zenez 22:2

Bondye ti dir, “Pran ou garson, ou sel garson, sa enn ki ou kontan, Izaak. Al dan pei Moriya e ofer li koman en sakrifis lo en montanny ki mon pou montre ou.”

Zenez 22:4

Trwazyenm zour, Abrahanm ti lev lizye e war sa landrwa dan lwen.

Psonm 119:60

Mon depese, mon pa ezite pour obeir ou komannman.

Eklezyas 9:10

Tou sa ki ou lanmen i kapab fer, fer li avek ou prop lafors akoz pou napa ni aktivite, ni rezon, ni konnesans, ni lasazes dan lemonn lanmor, kot ou pe ale.

Matye 10:37

Sa enn ki kontan son papa oubyen son manman plis ki mwan, i pa merit ganny apele mon disip. Sa enn ki kontan son garson oubyen son fiy plis ki mwan, i pa merit ganny apele mon disip.

Levanzil dapre Lik 14:26

“Sa enn ki vin kot mwan, i devre prefer mwan plis ki son papa, son manman, son fanm ek son zanfan, son frer ek son ser, e menm son prop lavi. Otreman i pa kapab vin mon disip.

Galat 1:16

I ti trouv bon pour revel mwan son Garson, pour ki mon anons li parmi bann non-Zwif.

Ebre 11:8

Par lafwa, Abrahanm ti obei, kan Bondye ti apel li: I ti al dan en pei ki i ti pou resevwar koman son posesyon. I ti kit son prop pei san konnen kote i ti pe ale.

Zozye 3:1

Zozye ti leve granmaten e kit Sitim avek tou bann Izraelit. I ti ariv kot larivyer Zourden, kot zot ti kanpe avan travers larivyer.

Zozye 8:10

Zozye ti lev granmaten, enspekte lepep e answit, i ti pas devan lepep avek bann ansyen dan Izrael, e al atak Ai.