Zenez 22:2 - Labib An Kreol Seselwa

² Bondye ti dir, “Pran ou garson, ou sel garson, sa enn ki ou kontan, Izaak. Al dan pei Moriya e ofer li koman en sakrifis lo en montanny ki mon pou montre ou.”

Zenez 22:2 ပူးပေါင်းရင်းမြစ်များ

Zenez 17:19

Bondye ti dir, “Non, pa sa! Sara ou fanm ki pou donn ou en garson, e ou ava apel li Izaak. Mon pou etabli mon lalyans avek li koman en lalyans ki pou dire pour touzour atraver son desandans apre li.

Zenez 21:12

Bondye ti dir Abrahanm, “Pa bezwen les sa zafer konsernan ou garson ek ou servant fatig ou. Ekout tou sa ki Sara pou dir ou, akoz ou vre desandans pou vin par Izaak.

Zenez 21:3

Abrahanm ti apel son garson ki i ti gannyen avek Sara, Izaak.

Zenez 22:12

Lanz SENYER ti dir, “Pa fer nanryen sa garson, pa fer li okenn dimal. Aprezan, mon konnen ki ou annan respe pour Bondye, e ki ou pa'n refize ofer mwan ou garson, ou sel garson.”

Zenez 22:16

I ti dir li, “Mon fer sa serman par mon non. La sa ki SENYER i deklare: Akoz ou'n fer sa e ou pa'n refize ofer ou garson, ou sel garson,

Zenez 22:3

Lannmen, Abrahanm ti lev granmaten, prepar son bourik, e pran de serviter ek son garson Izaak, avek dibwa pour sakrifis. I ti pran semen pour al dan sa landrwa ki Bondye ti'n endik li.

Zenez 22:9

Kan zot ti ariv dan sa landrwa ki Bondye ti'n endik li, Abrahanm ti fer en lotel, aranz dibwa lo la, anmar son garson Izaak e met li lo lotel, anler lo dibwa.

Zenez 8:20

Noe ti fer en lotel pour SENYER. I ti pran enn parmi bann zannimo pir ek en zwazo pir e i ti ofer koman en sakrifis konplet lo sa lotel.

2 Rwa 3:27

Alor, i ti pran son lene garson ki ti devre vin lerwa dan son plas e ofer li koman sakrifis konplet lo miray lavil. Sa ti fer lev en gran lafreyer parmi bann Izraelit; zot ti abandonn bann Moabit e retourn dan zot pei.

2 Kronik 3:1

Salomon ti konmans konstri tanp SENYER dan Zerizalenm, lo montanny Moriya, la kot SENYER ti aparet avek David, son papa. Sa menm landrwa ki David ti'n deza prepare, lanplasman kot Ornann, en Zebizit, ti bat dible.

Mise 6:7

Eski bann milye mouton mal, bann milye larivyer delwil pour fer plezir SENYER? Eski mon devre ofer mon lene garson pour pardon nou bann pese? Eski mon bezwen donn mon zanfan, pour mon prop fot?

Levanzil dapre Zan 3:16

Annefe, Bondye in telman kontan lemonn ki i'n donn son sel Garson, pour ki nenport ki, ki krwar dan li, pa pou mor, me i ava ganny lavi eternel.

Romen 5:8

Me la koman Bondye in prouve ki i kontan nou: Kris in mor pour nou kan nou ti ankor peser.

Romen 8:32

I pa'n eparny son prop Garson, me i'n livre li pour nou tou. Alor, avek son Garson, i pou donn nou osi tou.

Ebre 11:17

Par lafwa, kan Bondye ti teste li, Abrahanm ti ofer Izaak an sakrifis. I ti pare pour ofer son sel garson an sakrifis, alor ki i ti'n resevwar en promes.

Ziz 11:31

si mon retournen apre laviktwar kont zot, sa premye dimoun ki ava sorti dan mon lakaz pour akeyir mwan, ava pour SENYER; mon ava ofer li koman en sakrifis konplet.”

Ziz 11:39

Apre de mwan, i ti retourn kot son papa ki ti akonpli son ve ki i ti'n fer. I pa ti ankor konn okenn zonm. Sa ti vin en koutim dan Izrael: